You are here

ട്രംപുമായുള്ള ബന്ധം പുറത്ത്​ പറയരുത്​; അമേരിക്കൻ നടിക്ക്​ 1,30,000 ഡോളർ കൈക്കൂലി

11:29 AM
13/01/2018

വാഷിങ്​ടൺ: അമേരിക്കൻ പ്രസിഡൻറ്​ ഡോണൾഡ്​ ട്രപുമായുള്ള ബന്ധം പുറത്ത്​ പറയാതിരിക്കാൻ അമേരിക്കൻ നടിക്ക്​ 1,30,000 ഡോളർ നൽകിയതായി ആരോപണം. 2016ൽ അമേരിക്കയിലെ പ്രസിഡൻറ്​ തെരഞ്ഞെടുപ്പിന്​ ഒരാഴ്​ച മാത്രം ശേഷിക്കെ ട്രംപി​​​​​െൻറ അഭിഭാഷകൻ കൈക്കൂലി നൽകിയെന്നാണ്​ ആരോപണം. വാൾട്ട്​ സ്​ട്രീറ്റ്​ ജേണൽലാണ്​ ഇതുസംബന്ധിച്ച വാർത്ത റിപ്പോർട്ട്​ ചെയ്​തത്​. 

അഭിഭാഷകനായ മൈക്കിൽ​ കോഹനാണ്​ നടിയായ സ്​റ്റിഫിനെ ക്ലിഫോർഡിന്​ കൈക്കുലി നൽകിയത്​. മൂന്നാമത്തെ ഭാര്യ മെലാനിയയെ വിവാഹം കഴിക്കുന്നതിന്​ മുമ്പ്​ ട്രംപിന്​ നടിയുമായി ബന്ധമുണ്ടെന്നായിരുന്നു ആരോപണം. ലോസ്​ ആഞ്ചൽസിലെ സിറ്റി നാഷണൽ ബാങ്കിലാണ്​ പണം നിക്ഷേപിച്ചത്​.

2011 മുതൽ തന്നെ ഇതുസംബന്ധിച്ച വാർത്തകൾ പ്രചരിച്ചിരുന്നു. എന്നാൽ, ട്രംപ്​ പ്രസിഡൻറ്​ തെരഞ്ഞെടുപ്പിൽ മൽസരിച്ചതോടെയാണ്​ സംഭവം വീണ്ടും ചർച്ചയായത്​. അതേ സമയം, ഡോണൾഡ്​ ട്രംപ​ും​ അഭിഭാഷകൻ കോഹനും ആരോപണം നിഷേധിച്ചിട്ടുണ്ട്​.

Loading...
COMMENTS