ബാല ലൈംഗികപീഡനം: കനേഡിയൻ മനുഷ്യാവകാശ പ്രവർത്തകൻ നേപ്പാളിൽ അറസ്​റ്റിൽ

കാഠ്​മണ്ഡു: ബാല ലൈംഗികപീഡന കേസിൽ കനേഡിയൻ മനുഷ്യാവകാശ പ്രവർത്തകൻ നേപ്പാളിൽ അറസ്​റ്റിലായി. അഫ്​ഗാനിസ്​താനിലെ യു.എൻ ഹാബിറ്റാറ്റ്​ പ്രതിനിധിയായി സേവനമനുഷ്​ഠിച്ചിട്ടുള്ള പീറ്റർ ജോൺ ഡഗ്​ലിഷ്​ (60) ആണ്​ കാഠ്​മണ്ഡുവിന്​ 60 കി.മീ. വടക്കുകിഴക്കുള്ള കാവ്​റെ ജില്ലയിലെ മന്ദൻ ദിയുപുരിൽനിന്ന്​ നേപ്പാൾ പൊലീസ്​ സെൻട്രൽ ഇൻവെസ്​റ്റിഗേഷൻ ബ്യൂറോയുടെ പിടിയിലായത്​. പീഡനത്തിനിരയായ 12, 14 വയസ്സുള്ള കുട്ടികളോടൊപ്പം ഹോട്ടൽമുറിയിൽനിന്നാണ്​ ഇയാളെ പിടികൂടിയത്​. 2015 മുതൽ ഹിമാലയൻ കമ്യൂണിറ്റി ഫൗണ്ടേഷൻ എന്ന എൻ.ജി.ഒക്കുവേണ്ടി പ്രവർത്തിക്കുകയായിരുന്നു ഡഗ്​ലിഷ്​.