Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightആണവായുധശേഖരം...

ആണവായുധശേഖരം വർധിപ്പിച്ച്​ പാകിസ്​താൻ: രാജ്യത്ത്​ 140 പോർമുനകളെന്ന്​ അമേരിക്കൻ റിപ്പോർട്ട്​

text_fields
bookmark_border
ആണവായുധശേഖരം വർധിപ്പിച്ച്​ പാകിസ്​താൻ: രാജ്യത്ത്​ 140 പോർമുനകളെന്ന്​ അമേരിക്കൻ റിപ്പോർട്ട്​
cancel

വാഷിങ്​ടൺ: പാകിസ്താൻ ആണവായുധ ശേഖരം വർധിപ്പിച്ച്​ വൻ ശക്തിയാകാൻ ശ്രമം നടക്കുന്നുവെന്ന്​ അമേരിക്കൻ റിപ്പോട്ട്​. രാജ്യത്ത്​ 130 മുതല്‍ 140 വരെ ആണവ പോര്‍മുനകള്‍ ഉണ്ടാകാമെന്നാണ്​ റിപ്പോർട്ട്​. അടുത്ത 10 വര്‍ഷം കൊണ്ട് 350 ഒാളം ആണവ പോര്‍മുനകളുമായി ലോകത്തിലെ മൂന്നാമത്തെ വലിയ ആണവ രാജ്യമായി മാറാനാണ് പാകിസ്താന്റെ ശ്രമമെന്ന്​ അമേരിക്കന്‍ ആണവ ശാസ്ത്രജ്ഞര്‍ തയ്യാറാക്കിയ റിപ്പോര്‍ട്ടില്‍ പറയുന്നു.

ആണവായുധങ്ങള്‍ വഹിക്കാന്‍ കഴിയുന്ന തരത്തിലേക്ക് പോര്‍വിമാനങ്ങളെ പാകിസ്താന്‍ പരിഷ്‌കരിച്ചുകൊണ്ടിരിക്കയാണ്​. ആണവ ആയുധശാലകൾ,  ആയുധങ്ങൾ വഹിക്കാൻ ശേഷിയുള്ളള യുദ്ധവിമാനങ്ങൾ, അണുഭേദന ശേഷിയുള്ള ആയുധങ്ങൾ എന്നിവ കൂടുതലായി വികസിപ്പിച്ചെടുക്കാനാണ്​ പാകിസ്​താ​െൻറ ശ്രമം. 2020 ഓടെ പാകിസ്താന്‍ 60 മുതല്‍ 80 വരെ ആണവ ആയുധ ശേഖരം  ഉണ്ടാക്കിയെടുത്തേക്കാമെന്നാണ്‌ നേരത്തെ അമേരിക്കന്‍  പ്രതിരോധ രഹ്യാന്വേഷണ വിഭാഗം റിപ്പോർട്ട്​ ചെയ്​തിരുന്നത്​. എന്നാൽ  2016 ൽ 130 മുതൽ 140 അണുവായുധശാലകളാണ്​ രാജ്യത്ത്​ ഉണ്ടായിരിക്കുന്നത്​.

ആണവായുധം വഹിക്കാന്‍ കഴിയുന്ന തരത്തില്‍ എഫ് 16 പോര്‍വിമാനങ്ങളും ഫ്രഞ്ച് നിര്‍മിത മിറാഷ് പോര്‍വിമാനങ്ങളും പാകിസ്​താന്‍ പരിഷ്‌കരിച്ചിരുന്നു. ചൈനയില്‍ നിന്ന് വാങ്ങിയ ജെ 17 വിമാനങ്ങളും ഇത്തരത്തില്‍ സജ്ജമാക്കിയിട്ടുണ്ടെന്നാണ്​ റിപ്പോർട്ട്​.

ഉപഗ്രഹചിത്രങ്ങള്‍ പരിശോധിച്ചാണ് യു.എസ്. ഗവേഷണസംഘം ആണവായുധങ്ങള്‍ പാകിസ്താന്‍ രഹസ്യമായി സൂക്ഷിക്കുന്ന കേന്ദ്രങ്ങള്‍ മനസ്സിലാക്കിയത്. ഫെഡറേഷന്‍ ഓഫ് അമേരിക്കന്‍ സയിന്റിസ്റ്റ് (എഫ്.എ.എസ്.) ആണ് പഠനം നടത്തിയത്. പാകിസ്​താനിലെ സിന്ധ്​, ബലൂചിസ്​താൻ, പഞ്ചാബ്​ പ്രവിശ്യകളിലാണ്​ പോർമുനകളുള്ളതെന്നും ഉപഗ്രഹ ചിത്രങ്ങൾ സഹിതം റിപ്പോർട്ടിൽ വ്യക്തമാക്കുന്നു.

Show Full Article
TAGS:nuclear weapons Raad air-launch stockpile fissile 
Next Story