യു.എസിൽ കോവിഡ് മരണം 11,820; ന്യൂയോർക്കിൽ 24 മണിക്കൂറിൽ 731 മരണം

ന്യൂയോർക്ക്: യു.എസിൽ കോവിഡ് ബാധിച്ച് മരിച്ചവരുടെ എണ്ണം 11,820 ആയി. 949 പേരാണ് 24 മണിക്കൂറിനിടെ രാജ്യത്ത് മരിച്ചത്. ന്യ ൂയോർക്കിൽ മാത്രം 731 പേരാണ് മരിച്ചത്.

ലോകത്ത് ഏറ്റവും കൂടുതൽ കോവിഡ് ബാധിതരുള്ള യു.എസിൽ ആകെ രോഗികളുടെ എണ്ണം 378,881 ആയി. 11,877 പുതിയ കേസുകളാണ് 24 മണിക്കൂറിനിടെ സ്ഥിരീകരിച്ചത്.

ന്യൂയോർക്ക് സംസ്ഥാനത്ത് കോവിഡ് കേസുകൾ അതിന്‍റെ ഏറ്റവും കൂടിയ നിലയിൽ തുടരുകയാണെന്ന് ഗവർണർ ആൻഡ്ര്യൂ ക്യൂമോ പറഞ്ഞു. സംസ്ഥാനത്ത് ആകെ മരണസംഖ്യ 5489 ആയി. കഴിഞ്ഞ ദിവസം 630 പേരാണ് ന്യൂയോർക്കിൽ മരിച്ചത്. ന്യൂയോർക്ക് വാസികളോട് സാമൂഹിക അകലം പാലിക്കാൻ അദ്ദേഹം അഭ്യർഥിച്ചു.