മെ​ക്​​സി​കോ​യി​ൽ കൂ​ട്ട​ക്കു​ഴിമാ​ട​ത്തി​ൽ 166 ത​ല​യോ​ട്ടി​ക​ൾ

മെ​ക്​​സി​കോ​ സിറ്റി: മെ​ക്​​സി​കോ​യി​ലെ കി​ഴ​ക്ക​ൻ സം​സ്​​ഥാ​ന​മാ​യ വെ​റാ​ക്രൂ​സി​ൽ 32 കു​ഴ​ി​മാ​ട​ങ്ങ​ളി​ൽ നി​ന്നാ​യി 166 ത​ല​യോ​ട്ടി​ക​ൾ ക​ണ്ടെ​ത്തി. വ​സ്​​ത്ര​ങ്ങ​ളും കാ​ർ​ഡു​ക​ളും അ​ട​ക്കം തി​രി​ച്ച​റി​യാ​ൻ പാ​ക​ത്തി​ലു​ള്ള വ​സ്​​തു​ക്ക​ളും ഇ​തോ​ടൊ​പ്പം ല​ഭി​ച്ചു. എ​ന്നാ​ൽ, ​പ​രി​ശോ​ധ​ന തു​ട​രു​ന്ന​തി​നാ​ൽ സു​ര​ക്ഷ​യു​ടെ ഭാ​ഗ​മാ​യി കു​ഴി​മാ​ട​ങ്ങ​ൾ എ​വി​ടെ​യാ​ണെ​ന്ന കൃ​ത്യ​മാ​യ വി​വ​രം അ​ധി​കൃ​ത​ർ പു​റ​ത്തു​വി​ട്ടി​ല്ല.

ര​ണ്ടു വ​ർ​ഷം മു​മ്പാ​ണ്​ മൃ​ത​ദേ​ഹ​ങ്ങ​ൾ കു​ഴി​ച്ചു​മൂ​ടി​യ​തെ​ന്ന്​ ക​രു​തു​ന്നു​വെ​ന്ന്​ സ്​​റ്റേ​റ്റ്​ അ​റ്റോ​ണി ജ​ന​റ​ൽ ജോ​ർ​ജ്​ വി​ങ്ക്​​ള​ർ പ​റ​ഞ്ഞു. കൂ​ടു​ത​ൽ മൃ​ത​ദേ​ഹാ​വ​ശി​ഷ്​​ട​ങ്ങ​ൾ ക​ണ്ടെ​ത്താ​നു​ള്ള സാ​ധ്യ​ത​യും അ​ദ്ദേ​ഹം ത​ള്ളി​യില്ല. ആ​രു​ടെ​യെ​ങ്കി​ലും ബ​ന്ധു​ക്ക​ളെ കാ​ണാ​തെ​പോ​യി​ട്ടു​ണ്ടെ​ങ്കി​ൽ ഡി.​എ​ൻ.​എ പ​രി​ശോ​ധ​ന​ക്കാ​യി മു​ന്നോ​ട്ടു​വ​ര​ണ​മെ​ന്നും മൃ​ത​ദേ​ഹാ​വ​ശി​ഷ്​​ട​ങ്ങ​ൾ വേ​ഗ​ത്തി​ൽ തി​രി​ച്ച​റി​യാ​ൻ അത്​സ​ഹാ​യി​ക്കു​മെ​ന്നും വി​ങ്ക്​​ള​ർ പ​റ​ഞ്ഞു.

യു.​എ​സ്​ അ​തി​ർ​ത്തി​യോ​ട്​ അ​ടു​ത്തു​കി​ട​ക്കു​ന്ന ഏ​റ്റ​വും പ്ര​ധാ​ന​പ്പെ​ട്ട മ​യ​ക്കു​മ​രു​ന്ന്​ ക​ള്ള​ക്ക​ട​ത്തു​ പാ​ത​യാ​ണ്​ വെ​റാ​ക്രൂ​സ്. ക​ള്ള​ക്ക​ട​ത്തു സം​ഘ​ങ്ങ​ളു​ടെ ചോ​ര ചി​ന്തു​ന്ന ഏ​റ്റു​മു​ട്ട​ലു​ക​ൾ​ക്ക്​ നി​ര​ന്ത​രം സാ​ക്ഷ്യം​വ​ഹി​ക്കു​ന്ന ഇ​ട​മാ​ണി​ത്.

2006 മു​ത​ൽ രാജ്യത്ത്​​ 3600ഒാ​ളം പേ​രെ കാ​ണാ​താ​യി​ട്ടു​ണ്ട്. ര​ണ്ടു ല​ക്ഷ​ത്തി​ലേ​െ​റ പേ​രാ​ണ്​ മാ​ഫി​യ​ക​ളു​ടെ ഏ​റ്റു​മു​ട്ട​ലു​ക​ളി​ൽ കൊ​ല്ല​പ്പെ​ട്ട​ത്. ക​ഴി​ഞ്ഞ​വ​ർ​ഷം മാ​ത്രം 28,702 പേ​ർ ഇ​ത്ത​ര​ത്തി​ൽ ജീ​വ​ൻ വെ​ടി​ഞ്ഞു. ക​ഴി​ഞ്ഞ വ​ർ​ഷം മാ​ർ​ച്ചി​ൽ സ​മാ​ന​മാ​യ കൂ​ട്ട​ക്കു​ഴി​മാ​ട​ത്തി​ൽ​നി​ന്ന്​ 250 ത​​ല​യോ​ട്ടി​ക​ൾ ല​ഭി​ച്ചി​രു​ന്നു. മ​യ​ക്കു​മ​രു​ന്ന്​ മാ​ഫി​യ​യെ ​നേ​രി​ടാ​ൻ മെ​ക്​​സി​കോ വ​ൻ സൈ​നി​ക സ​ന്നാ​ഹ​ത്തെ​ ഇ​റ​ക്കി​യി​ട്ടു​ണ്ട്.