ന്യൂ ഒാർലിയൻസിലുണ്ടായ വെടിവെപ്പിൽ മൂന്ന്​ പേർ കൊല്ലപ്പെട്ടു

ന്യൂ ഒാർലിയൻസ്​: അമേരിക്കയിലെ ന്യൂ ഒാർലിയൻസിലുണ്ടായ വെടിവെപ്പിൽ മൂന്ന്​ പേർ കൊല്ലപ്പെട്ടു. ഏഴ്​ പേർക്ക്​ പരിക്കേറ്റു. കാലിബോൺ അവന്യുവിലെ 3400 ബ്ലോക്കിലാണ്​ വെടി​വെപ്പുണ്ടായത്​. പരിക്കേറ്റവരെ അടുത്ത ആശുപത്രികളിൽ പ്രവേശിപ്പിച്ചതായി പൊലീസ്​ വക്​താവ്​ ആരോൺ ലൂണി പറഞ്ഞു.

അതേ സമയം ഇത്തരം സംഭവങ്ങൾക്ക്​ ന്യൂ ഒാർലിയൻസിൽ സ്ഥാനമില്ലെന്ന്​ മേയർ ല​േട്ടായ കാൻട്രൽ പ്രതികരിച്ചു. നഗരത്തിലെ ​ജനങ്ങളുമായി സംസാരിച്ചു അവരെല്ലാം സംഭവത്തിൽ പ്രതിഷേധത്തിലാണ്​. ഇത്തരം സംഭവം ആവർത്തിക്കാതിരിക്കാനുള്ള കർശന നടപടികൾ സ്വീകരിക്കുമെന്നും മേയർ പറഞ്ഞു.