ഇസ്രായേൽ കുടിയേറ്റത്തി​നെതിരെ ​ജോൺ കെറി

വാഷിങ്​ടൺ: ഇസ്രായേലി​​െൻറ കുടിയേറ്റ പദ്ധതി ഫലസ്തീന്‍ സമാധാനത്തിനും ഇസ്രായേലിന്റെ ജനാധിപത്യ ഭാവിക്കും ഒരുപോലെ ഭീഷണിയാണെന്ന്​ യു.എസ് സ്റ്റേറ്റ് സെക്രട്ടറി ജോണ്‍ കെറി. ഒബാമയുടെ ഭരണകാലയളവിലെ അവസാന പ്രസംഗത്തിലാണ്​ കെറി ഇക്കാര്യം പറഞ്ഞത്​. അമേരിക്കയില്‍ പ്രസിഡന്‍റ് സ്ഥാനം ഒഴിയുന്നതിന് മുമ്പ് ഫലസ്തീൻ –ഇസ്രായേല്‍ പ്രശ്നത്തില്‍ ഒരു തീരുമാനത്തിലെത്താനാണ് ഒബാമ സര്‍ക്കാര്‍ ശ്രമിക്കുന്നത്. ‌

ദ്വിരാഷ്​ട്ര ഫോർമുലയാണ്​ ഇരുരാജ്യങ്ങൾക്കുമിടയിലെ പ്രശ്​ന പരിഹാരം. ഇത്​ സാധ്യമാക്കാൻ വര്‍ഷങ്ങളായി തങ്ങള്‍ ശ്രമിക്കുന്നുണ്ട്. എന്നാല്‍ വിഷയം അതിഗുരുതരമായ ഘട്ടത്തിലെത്തിയിരിക്കുന്നു. ഇസ്രായേലിന്റെ ഭാഗത്തുനിന്നുള്ള അക്രമവും കുടിയേറ്റവും ഊര്‍ജ്ജിതപ്പെടുത്താനുള്ള തീവ്ര പ്രേരണയും പ്രശ്നം സങ്കീര്‍ണമാക്കുകയാണ്. ഇരുരാജ്യത്തി​​െൻറയും പ്രതീക്ഷയാണ് ഇസ്രായേല്‍ നശിപ്പിക്കുന്നത്. ഭൂരിപക്ഷം പേരും ഇഷ്ടപ്പെടാത്ത ഒരു രാജ്യമെന്ന വികലമായ നയം നടപ്പിലാക്കാൻ ഇസ്രായേല്‍ ശ്രമിക്കുന്നുവെന്നും കെറി വ്യക്​തമാക്കി.

അതേസമയം കെറിയുടെ ​പ്രസ്​താവനക്കെതിരെ ഇസ്രായേൽ പ്രസിഡൻറ്​ ബെഞ്ചമിൻ നെതന്യാഹു രംഗത്തെത്തി. കെറിയുടെ പ്രസ്​താവനയിൽ നിരാശയുണ്ടെന്നും ഇതിലൂടെ അദ്ദേഹം ഫലസ്​തീൻ ഭീകരതക്ക്​ അനുകൂലമായി കാമ്പയിൻ നടത്തുകയാണെന്നും നെതന്യാഹു പറഞ്ഞു.