You are here

ഇവാൻകയും  കുഷ്​നറും രണ്ടു വർഷംകൊണ്ട്​ സമ്പാദിച്ചത്​ 13.5 കോടി ഡോളർ 

21:56 PM
16/06/2019

വാഷിങ്​ടൻ: യു.എസ്​ പ്രസിഡൻറ്​ ഡോണൾഡ്​ ട്രംപി​​െൻറ മകൾ ഇവാൻകയും ഭര്‍ത്താവ് ജാരദ്​ കുഷ്​നറും  കഴിഞ്ഞ വർഷം 13.5 കോടി  ഡോളര്‍ വരുമാനം നേടിയതായി റിപ്പോര്‍ട്ട്.  ട്രംപി​​െൻറ ഉപദേശകർകൂടിയാണ്​ ഇരുവരും. എന്നാൽ, അതിന്​ ശമ്പളം കൈപ്പറ്റുന്നില്ല. റിയല്‍ എസ്​റ്റേറ്റ് ഹോർഡിങ്ങുകളും സ്​റ്റോക്കുകളും ബോണ്ടുകളുമൊക്കെയാണ് വരുമാനം ഉയര്‍ത്തിയത്. ഇവാൻകയുടെ പേരിലുള്ള വാഷിങ്​ടണ്‍ ഡി.സിയിലെ ഹോട്ടലില്‍നിന്ന്​ 2018ല്‍ 39.5 ലക്ഷം ഡോളര്‍ വരുമാനമാണ് ലഭിച്ചത്. 

വിദേശ നയതന്ത്രജ്ഞരുടെ പ്രധാന സാങ്കേതമാണത്. ഹാന്‍ഡ് ബാഗുകള്‍, ഷൂകള്‍ തുടങ്ങിയ ഉൽപന്നങ്ങള്‍ നിർമിക്കുന്ന മറ്റൊരു കമ്പനിയില്‍നിന്നും 10 ലക്ഷം ഡോളര്‍ വരുമാനവും ഇവാൻക സമ്പാദിച്ചു.  ന്യൂയോർക്​ സിറ്റി അപ്പാർട്​മ​െൻറുകളില്‍നിന്ന് ലക്ഷക്കണക്കിന് ഡോളര്‍ വരുമാനമാണ് കുഷ്‌നര്‍ നേടിയത്. കൂടാതെ റിയല്‍ എസ്​റ്റേറ്റ് നിക്ഷേപ സ്ഥാപനമായ കേഡറി​​െൻറ ഓഹരിയില്‍നിന്നു 2.5 കോടി ഡോളറും സമ്പാദിച്ചു. 2.8 കോടി ഡോളറാണ് ദമ്പതികളുടെ കഴിഞ്ഞ വര്‍ഷത്തെ കുറഞ്ഞ വരുമാനമെന്ന് കണക്കുകള്‍ വ്യക്തമാക്കുന്നു. സാമ്പത്തിക വിവരങ്ങള്‍ നിര്‍ബന്ധമായും സര്‍ക്കാറിന് സമര്‍പ്പിക്കേണ്ടതുണ്ട്.  

Loading...
COMMENTS