ഗോലാൻ കുന്നുകളിലെ ഇസ്രായേൽ പരമാധികാരം അംഗീകരിക്കും -ട്രംപ്​

വാഷിങ്​ടൺ: പശ്ചിമേഷ്യയിൽ ദൂരവ്യാപക പ്രത്യാഘാതം സൃഷ്​ടിക്കുന്ന വിവാദനീക്കവുമായി അമേരിക്കൻ പ്രസിഡൻറ്​ ഡോണൾഡ്​ ട്രംപ്​ വീണ്ടും. സിറിയയിൽ നിന്ന്​ ഇസ്രായേൽ പിടിച്ചെടുത്ത ഗോലാൻ കുന്നുകളിലെ ഇസ്രായേലി​​െൻറ പരമാധികാരം അംഗീകരിക്കുമെന്ന്​​ ട്രംപ്​ ട്വീറ്റ്​ ചെയ്​തു. ഇസ്രായേലി​​െൻറ സുരക്ഷക്കും മേഖലയ​ുടെ സ്​ഥിരതക്കും ഗോലാൻ നിർണായകമാണെന്നും ട്രംപ്​ കൂട്ടിച്ചേർത്തു.

1967ലെ ആറുദിന യുദ്ധത്തിൽ സിറിയയിൽനിന്ന്​ ഇസ്രായേൽ പിടി​െച്ചടുത്തതാണ്​ ഫലഭൂയിഷ്​ഠമായ ഗോലാൻ പ്രദേശം. 1981ൽ രാഷ്​ട്രത്തിനൊപ്പം പ്രദേശത്തെ ഇസ്രായേൽ കൂട്ടിച്ചേർത്തെങ്കിലും രാജ്യാന്തര സമൂഹം ഇത്​ അംഗീകരിച്ചിട്ടില്ല. ആദ്യമായാണ്​ ഒരു ലോക നേതാവ്​ ഗോലാൻ വിഷയത്തിൽ ഇത്തരത്തിലുള്ള നിലപാട്​ സ്വീകരിക്കുന്നത്.

കഴിഞ്ഞവർഷം ഇസ്രായേലി​​െൻറ തലസ്​ഥാനമായി ജറൂസലമിനെ അമേരിക്ക അംഗീകരിച്ച നടപടി ഏറെ വിവാദമായിരുന്നു.