സയ്യിദ്​ സലാഹുദ്ദീനെ ആഗോള തീവ്രവാദിയായി യു.എസ്​ പ്രഖ്യാപിച്ചു

വാഷിങ്​ടൺ: ഹിസ്​ബുൾ മുജാഹിദ്ദീൻ നേതാവ്​ സയ്യിദ്​ സലാഹുദ്ദീനെ ആരോഗള തീവ്രവാദിയായി അ​േമരിക്ക പ്രഖ്യാപിച്ചു. ഇന്ത്യൻ പ്രധാനമന്ത്രി നരേന്ദ്രമോദി അമേരിക്കൻ പ്രസിഡൻറ്​ ഡൊണാൾഡ്​ ട്രംപിനെ സന്ദർശിക്കുന്നതിനു മണിക്കൂറുകൾക്ക്​  മുമ്പാണ്​ പ്രഖ്യാപനം. യു.എസ്​ സ്​റ്റേറ്റ്​ ഡിപ്പാർട്ട്​മ​​െൻറാണ്​ സലാഹുദ്ദീ​െന ആഗോള തീവ്രവാദിയായി പ്രഖ്യാപിച്ചത്​. യു.എസ്ുമായി ബന്ധപ്പെട്ട്​ സലാഹുദ്ദീൻ നടത്തുന്ന എല്ലാ പ്രവർത്തനങ്ങൾക്കും വിലക്കും ഏർപ്പെടുത്തിയിട്ടുണ്ട്​. പ്രഖ്യാപനത്തെ ഇന്ത്യ സ്വാഗതം ചെയ്​തു. ഇന്ത്യൻ നിലപാടിനുള്ള അംഗീകാരമാണെന്ന്​ വി​േദശകാര്യ വാക്​താവ്​ ഗോപാൽ ബഗ്​ല പറഞ്ഞു. 

അതിർത്തി കടന്നുള്ള ഭീകരവാദത്തെ ഇന്ത്യ എന്നും എതിർത്തിരുന്നു. യു.എസും ഇന്ത്യയും ഭീകരവാദത്തി​​​െൻറ ഭീഷണികൾ‌ നേരിടുന്നവരാണ്. തീവ്രവാദത്തെ ഒരുമിച്ചുനിന്ന് എതിർക്കാൻ ഇരുരാജ്യങ്ങളും തയാറാണ്. തീവ്രവാദത്തിന് അതിരുകളില്ലെന്നാണു യു.എസി​​​െൻറ നടപടിയിൽ വ്യക്തമായതെന്നും ഗോപാൽ ബഗ്‍ല പറഞ്ഞു. കശ്മീരിൽ നിരവധി ആക്രമണങ്ങൾ നടത്തി മേഖലയിൽ അസ്ഥിരത സൃഷ്ടിക്കുന്ന തീവ്രവാദിനേതാവാണ് സയ്യിദ് സലാഹുദീൻ. പത്താൻകോട്ട് ഭീകരാക്രമണത്തി​​​െൻറ ഉത്തരവാദിത്തമേറ്റെടുത്ത യുണൈറ്റഡ് ജിഹാദ് കൗൺസിൽ നേതാവു കൂടിയാണു സലാഹുദ്ദീൻ.