ജോർജ്​ ഫ്ലോയ്​​ഡി​േൻറത്​ കഴുത്തുഞെരിച്ചുള്ള നരഹത്യ- പോസ്​റ്റ്​മോർട്ടം റിപോർട്ട്​

മിനിയാപോളിസ്​: അമേരിക്കയിൽ വെള്ളക്കാരനായ പൊലീസുകാര​​​െൻറ വർണവെറിക്കിരയായി മരിച്ച ജോർജ്​ ​ഫ്ലോയ്​ഡി​േൻറത്​ ​കഴുത്തു ഞെരിച്ചുള്ള കൊലപാതകമെന്ന്​ ഔദ്യോഗിക പോസ്​റ്റ്മോർട്ടം റി​പ്പോർട്ട്​. മിനിയാപോളിസ്​ പൊലീസ്​ ഉദ്യോഗസ്​ഥർ ബലം പ്രയോഗിച്ച്​ കഴുത്ത്​ ഞെരിച്ച​ വേളയിൽ ഹൃദയസ്​തംഭനം മൂലമാണ്​ 46കാരൻ മരണപ്പെട്ട​െതന്ന്​ റിപ്പോർട്ടിൽ പറയുന്നു. 

മരണത്തി​​​െൻറ സ്വഭാവം കൊലപാതകമാണെന്നും ഹെന്നെപിൻ കൗണ്ടി മെഡിക്കൽ എക്​സാമിനർ പ്രസ്​താവനയിൽ പറഞ്ഞു. ജോർജി​​​െൻറ മോശം ആരോഗ്യനിലയും മയക്കുമരുന്ന്​ ഉപയോഗവും മരണത്തിന്​ കാരണമായെന്ന്​ പറയുന്നുണ്ട്​. ഫ്ലോയ്​ഡി​​​െൻറ കുടുംബം നിയോഗിച്ച സ്വകാര്യ പരിശോധന ഫലം പുറത്തുവന്നതിന്​ പിന്നാലെയാണ്​ ഔദ്യോഗിക പോസ്റ്റ്​മോർട്ടം റിപ്പോർട്ട്​. ഫ്ലോയ്​ഡ്​ ശ്വാസം കിട്ടാതെയാണ്​ മരിച്ചതെന്നായിരുന്നു അവർ കണ്ടെത്തിയത്​.  പൊലീസുകാർ കഴുത്തിലും പുറത്തും അമർത്തി ചവിട്ടിയതിനെത്തുടർന്ന്​ ശ്വാസം കിട്ടാതെ മരിച്ചതെന്നായിരുന്നു റിപ്പോർട്ട്​. 

ശ്വാസം കിട്ടാതെ കേണപേക്ഷിച്ച വേളയിലും കഴുത്തിൽ കാലമർത്തിപ്പിടിച്ച്​ ഫ്ലോയ്​ഡിനോട്​ ക്രൂരത കാണിക്കുന്ന പൊലീസുകാര​​​െൻറ വീഡിയോ പുറത്തു വന്നതോടെയാണ്​ സംഭവം പുറം ലോകമറിഞ്ഞത്​. പിന്നാലെ അമേരിക്കയിൽ കറുത്ത വർഗക്കാരുടെ ജീവനും വിലയുണ്ടെന്ന സന്ദേശം ഉയർത്തിപ്പിടിച്ച പ്രക്ഷോഭങ്ങൾ ​ശക്​തമായി​. പതിറ്റാണ്ടുകൾക്ക്​ ശേഷം ആദ്യമായാണ്​ രാജ്യം ആഭ്യന്തര പ്രക്ഷോഭങ്ങളുടെ ചൂടറിയുന്നത്​. ഫ്ലോയ്​ഡിന്​ നീതി ലഭിക്കണമെന്നാവശ്യപ്പെട്ട്​ നടക്കുന്ന പ്രക്ഷോഭങ്ങൾ തുടർച്ചയായ ആറാം ദിനവും തുടരുകയാണ്​. സമരക്കാർ വൈറ്റ്​ഹൗസ്​ വളഞ്ഞതിനെത്തുടർന്ന്​ പ്രസിഡൻറ്​ ഡോണൾഡ്​ ട്രംപിന്​ ബങ്കറിൽ അഭയം തേടേണ്ട സ്​ഥിതി വിശേഷം ഉണ്ടായി.