അമേരിക്കൻ കോവിഡ്​​ പ്രതിരോധ മരുന്ന്​ ചൈനയിൽ പരീക്ഷിച്ചു; പരാജയമെന്ന്​​ ലോകാരോഗ്യ സംഘടന​​

ന്യൂയോർക്ക്: കോവിഡ്​ 19 വൈറസിനെ പ്രതിരോധിക്കാൻ ശേഷിയുണ്ടെന്ന്​ പറയപ്പെട്ട 'റെംഡെസിവിർ' എന്ന മരുന്നി​​​െൻറ ആദ്യഘട്ട ക്ലിനിക്കൽ ട്രയൽ പരാജയമെന്ന് റിപ്പോർട്ട്. ചൈനയിൽ നടത്തിയ പരീക്ഷണമാണ് വിജയം കാണാതെ പോയതത്രേ. ലോകാരോഗ ്യ സംഘടനയാണ്​ ഇതുമായി ബന്ധപ്പെട്ട വിവരം പുറത്തുവിട്ടത്​. അവരുടെ വെബ്സൈറ്റിലെ ക്ലിനിക്കൽ ട്രയൽസ് ഡാറ്റാബേസില ുള്ള ലേഖനത്തിൽ മരുന്ന് രോഗിയുടെ ആരോഗ്യനിലയിൽ പുരോഗതി ഉണ്ടാക്കുന്നില്ലെന്നും വൈറസി​​െൻറ സാന്നിധ്യം ഇല്ലാതാ ക്കുന്നില്ലെന്നും പറഞ്ഞിരുന്നു​. എങ്കിലും, വൈകാതെ ലേഖനം നീക്കം ചെയ്യപ്പെട്ടു.

മരുന്നി​​​െൻറ പരീക്ഷണവുമായി ബന്ധപ്പെട്ട വിവരം തെറ്റായി വെബ്​സൈറ്റിൽ കയറിയതാണെന്നും വിശദമായ റിപ്പോർട്ട് വൈകാതെ പുറത്തുവിടുമെന്നും ലോകാരോഗ്യ സംഘടനയുടെ വക്​താവ്​ വ്യക്​തമാക്കി. അമേരിക്കൻ കമ്പനിയായ ഗിലെയ്ഡ് സയൻസസ് ആണ് മരുന്ന്​ നിർമിച്ചിരിക്കുന്നത്​. ഒരു ആൻറി വൈറലായ മരുന്ന്​ എബോള വൈറസ്​ ആഫ്രിക്കയിൽ നാശം വിതച്ചപ്പോൾ പരീക്ഷിച്ചിരുന്നെങ്കിലും പരാജയപ്പെട്ടിരുന്നു.

ചൈനയിൽ 237 കോവിഡ്​ ​രോഗികളിലാണ്​ പരീക്ഷണം നടത്തിയതെന്നാണ്​ റിപ്പോർട്ട്​. 158 പേർക്ക് റെംഡെസിവിർ ആൻറി വൈറൽ മരുന്ന്​ നൽകിയപ്പോൾ ബാക്കി 79 പേർക്ക് സാധാരണ മരുന്നുകളും നൽകി. എന്നാൽ റെംഡെസിവിർ പരീക്ഷിച്ച രോഗികളിൽ യാതൊരു മാറ്റവും കാണാൻ കഴിഞ്ഞില്ല. ഒരു മാസത്തിന് ശേഷം ആ മരുന്ന്​ പ്രയോഗിച്ച 13.9 ശതമാനം രോഗികളും മരിക്കുകയും ചെയ്​തു. സാധാരണ മരുന്ന് ലഭിച്ചവരിൽ 12.8 ശതമാനമാണ്​ മരണത്തിന് കീഴടങ്ങിയത്​. മരുന്ന്​ ഉപയോഗിക്കുന്നതിലൂടെ പാർശ്വഫലങ്ങളും ദൃശ്യമായതോടെ അടിയന്തരമായി നിർത്തലാക്കുകയായിരുന്നു.

നിർമാതാക്കളായ ഗിലെയ്ഡ് സയൻസസ് ലോകാരോഗ്യ സംഘടനയുടെ ആരോപണം നിഷേധിക്കുകയാണ്​ ചെയ്​തത്​. മരുന്ന്​ രോഗികളിൽ ഗുണം ചെയ്യുന്നുണ്ടെന്നാണ്​ അവരുടെ അവകാശവാദം. കോവിഡ്​ പ്രതിരോധത്തിൽ വളരെ പ്രതീക്ഷയുള്ള മരുന്നായി അമേരിക്കൻ പ്രസിഡൻറ്​ ഡോണൾഡ്​ ട്രംപ്​ അടക്കം എടുത്തുപറഞ്ഞതാണ്​ റെംഡെസിവിർ. അതേസമയം അമേരിക്കയിൽ കോവിഡ്​ വാക്​സിൻ നിർമാണം പുരോഗമിക്കുകയാണ്​. ലോകസമ്പന്നൻ ബിൽ ഗേറ്റ്​സ്​ ഏഴ്​ ഫാക്​ടറികൾക്കാണ്​ പണം മുടക്കിയിരിക്കുന്നത്​.