ലണ്ടൻ ഭീകരാ​ക്രമണം: യാത്ര നിരോധനം പുന:സ്ഥാപിക്കണമെന്ന്​  ട്രംപ്​

ലണ്ടൻ: ലണ്ടൻ ഭീകരാക്രമണത്തി​​​​​െൻറ പശ്​ചാത്തലത്തിൽ യാത്ര നിരോധനം കോടതികൾ പുന:സ്ഥാപിക്കണമെന്ന ആവശ്യം വീണ്ടും ഉയർത്തി അമേരിക്കൻ പ്രസിഡൻറ്​ ഡോണാൾഡ്​ ട്രംപ്​. കോടതികൾ അവകാശങ്ങൾ തിരിച്ച്​ തരുമെന്നാണ്​ പ്രതീക്ഷയെന്ന്​ യാത്ര നിരോധനത്തെ ഉദ്ദേശിച്ച്​ ട്രംപ്​ ട്വിറ്ററിൽ കുറിച്ചു​. യാത്ര നിരോധനം അമേരിക്കക്ക്​ അധിക സുരക്ഷ നൽകുമെന്നും അദ്ദേഹം പ്രതീക്ഷ പ്രകടിപ്പിച്ചു. ഭീകരാക്രമണത്തി​​​​​െൻറ പശ്​ചാത്തലത്തിൽ ബ്രിട്ടന്​ എല്ലാവിധ പിന്തുണയും നൽകുമെന്നും ട്രംപ്​ അറിയിച്ചു.

ലണ്ടൻ ബ്രിഡ്​ജിൽ കാൽനട യാത്രക്കാർക്കിടയിലേക്ക്​ വാഹനം ഇടിച്ച്​ കയറ്റിയാണ്​ ഭീകരർ ആ​ക്രമണം നടത്തിയത്​. ആക്രമണത്തിൽ ഏഴ്​ പേർ മരിച്ചതായാണ്​ റിപ്പോർട്ട്​. നിരവധി പേർക്ക്​ പരിക്കേറ്റു. രണ്ട്​ ഭീകരരെ പൊലീസ്​ വധിച്ചതായും വാർത്തകളുണ്ട്​.

നേരത്തെ ആറ്​ മുസ്​ലിം രാജ്യങ്ങളിൽ നിന്നുള്ള യാത്രികർക്കാണ്​ അമേരിക്കൻ പ്രസിഡൻറ്​ ഡോണാൾഡ്​ ട്രംപ്​ വിലക്കേർപ്പെടുത്തിയത്​. എന്നാൽ വിലക്ക്​ അമേരിക്കയിലെ വിവിധ കോടതികൾ റദ്ദാക്കുകയായിരുന്നു. ഇതിനെ തുടർന്ന്​ അമേരിക്കൻ നീതിന്യായ വകുപ്പ്​  കീഴ്​കോടതി വിധിക്കൾക്കെതിരെ അമേരിക്കയിലെ പ​ര​േമാന്നത കോടതിയെ സമീപിച്ചിരിക്കുകയാണ്​.