ഹിജാബിൽ തിളങ്ങി ബാർബി; മോഡലായി ഇബ്തിഹാജ് മുഹമ്മദ്
text_fieldsന്യൂയോർക്ക്: ലോകത്തിലാദ്യമായി ഹിജാബ് ധരിച്ച ബാർബി പാവ പുറത്തിറങ്ങുന്നു. ശിരോവസ്ത്രം ധരിച്ച് ഒളിമ്പിക്സിൽ പങ്കെടുത്ത അമേരിക്കൻ ഫെന്സിംഗ് താരം ഇബ്തിഹാജ് മുഹമ്മദിനോടുള്ള ആദരസൂചകമായാണ് ലോകപ്രശസ്തയായ ബാർബി ഹിജാബണിയുന്നത്.
ഗ്ലാമര് മാഗസിന്റെ വുമണ് ഓഫ് ദ ഇയര് പരിപാടിയിൽ വച്ചാണ് ബാര്ബി പുതിയ പാവയെ പുറത്തിറക്കിയത്. എന്നാൽ ഹിജാബണിഞ്ഞ ബാർബിയെ മാർക്കറ്റിൽ ലഭിക്കാൻ ഒരു വർഷത്തോളം കാത്തിരിക്കേണ്ടി വരും.
"എന്റെ ബാല്യകാല സ്വപ്നം പൂവണിഞ്ഞത് പോലെയാണ് എനിക്ക് തോന്നുന്നത്.' -ഇബ്തിഹാജ് പ്രതികരിച്ചത്.
റിയോ ഒളിമ്പിക്സിൽ ഹിജാബ് ധരിച്ച് ഫെൻസിംഗ് മത്സരത്തിനിറങ്ങിയ ഇബ്തിഹാജ് വെങ്കലം നേടിയിരുന്നു. ഒളിമ്പിക്സില് മെഡല് നേടുന്ന ആദ്യ അമേരിക്കൻ- മുസ്ലിം വനിത എന്ന നേട്ടവുംയും 31 വയസുകാരിയായ ഇബ്തിഹാജ് സ്വന്തമാക്കിയിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.