Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightമെലാനിയ ട്രംപിന്​...

മെലാനിയ ട്രംപിന്​ വസ്​ത്രമൊരുക്കാൻ സോഫി തെല്ലറ്റ്​ തയാറല്ല​

text_fields
bookmark_border
മെലാനിയ ട്രംപിന്​ വസ്​ത്രമൊരുക്കാൻ സോഫി തെല്ലറ്റ്​ തയാറല്ല​
cancel

ന്യൂയോർക്​: അമേരിക്കയുടെ അടുത്ത പ്രഥമ വനിത മെലാനിയ ട്രംപിന്​ വസ്​ത്രമൊരുക്കില്ലെന്ന്​ പ്രശസ്​ത ഫ്രഞ്ച്​ ഫാഷൻ ഡിസൈനർ. റിപ്പബളിക്കൻ പ്രഡിഡൻറ്​ ഡൊണൾഡ്​ ട്രംപി​നെ എതിർക്കുന്ന ഡിസൈനർ സോഫി തെല്ലറ്റാണ്​ മെലാനിയക്ക്​ വസ്​ത്രം ഡിസൈൻ ചെയ്യി​ല്ലെന്ന്​​ വ്യക്തമാക്കിയത്​.

 വ്യക്തി സ്വാതന്ത്ര്യത്തെയും ജീവിത ​ശൈലികളോടും ബഹുമാനം പുലർത്തുന്ന താൻ അടുത്ത പ്രഥമ വനിതക്കു വേണ്ടി വസ്​ത്രങ്ങൾ ഡിസൈൻ ചെയ്യുകയോ അവരുമായി സഹകരിക്കുകയോ ചെയ്യില്ലെന്ന്​ തെല്ലറ്റ്​ തുറന്ന കത്തിലൂടെ വ്യക്തമാക്കി.
 
വംശീയ വിദ്വേഷം, കുടിയേറ്റ വിരുദ്ധത, ലിംഗ വിവേചനം തുടങ്ങി തങ്ങളുടെ സംസ്​കാരത്തിന്​ വിരുദ്ധമായ കാര്യങ്ങളാണ്​ ട്രംപ്​ തെരഞ്ഞെടുപ്പ്​ പ്രചരണങ്ങളിൽ ഉയർത്തികൊണ്ടുവന്നത്​. അത്തരമൊരു രാഷ്​ട്രീയത്തിൽ പങ്കുചേരുന്നത്​ ബുദ്ധിപരമല്ലെന്നറിയാം. കുടുംബപരമായി നടത്തുന്ന ബിസിനസ്​ എന്ന നിലയിൽ പണമെന്ന ഘടകത്തെ കണക്കിലെടുക്കുന്നില്ലെന്നും തെല്ലറ്റ്​ കത്തിലൂടെ വ്യക്തമാക്കുന്നു.

52 കാരിയായ ​സോഫി തെല്ലറ്റി​െൻറ കത്ത്​ സോഷ്യൽ മീഡയയിൽ വൈറലായി കഴിഞ്ഞു.
15 വർഷത്തിലേറെയായി അമേരിക്കയിൽ കഴിയുന്ന തെല്ലറ്റ്​ ന്യൂയോർക്ക്​ ഫാഷൻ വീക്കിലെ സ്ഥിര സാന്നിദ്ധ്യമാണ്​.  

2009 മുതൽ നിരവധി തവണ മിഷേൽ ഒബാമക്ക്​ വസ്​ത്രങ്ങൾ ഒരുക്കി തെല്ലറ്റ്​ വാർത്തകളിൽ നിറഞ്ഞു നിന്നിരുന്നു.

 

Show Full Article
TAGS:meleania trump Donald Trump president republican 
News Summary - Fashion Designer Refuses To Dress Melania Trump
Next Story