ബൈക്കുകളുടെ ഇറക്കുമതി ചുങ്കം കുറച്ചെന്ന്​ ഇന്ത്യ; ഒന്നും കിട്ടുന്നില്ലെന്ന്​ ​ട്രംപ്​

വാഷ്​ങ്​ടൺ: ഹാർലി ഡേവിഡ്​സൺ ബൈക്കി​​െൻറ ഉയർന്ന ഇറക്കുമതി ചുങ്കത്തിനെതിരെ അമേരിക്കൻ പ്രസഡിൻറ്​ ഡോണൾഡ്​ ട്രംപ്​ വീണ്ടും രംഗത്ത്​. ഇറക്കുമതി ചുങ്കം കുറച്ചുവെന്ന്​ മോദി സർക്കാർ പറയുന്നുണ്ടെങ്കിൽ തങ്ങൾക്ക്​ അതി​​െൻറ ഗുണം കിട്ടുന്നില്ലെന്ന്​ ട്രംപ്​ വ്യക്​തമാക്കി.

ഇന്ത്യയിലേക്ക്​ ഒരു ബൈക്ക്​ അയക്കു​േമ്പാൾ 100 ശതമാനം നികുതി നൽകേണ്ട സ്ഥിതിയാണ്​ ഉള്ളത്​. ഇക്കാര്യം മോദിയുമായി സംസാരിച്ചു. ആ നല്ല മനുഷ്യൻ നികുതി കുറച്ചുവെന്നാണ്​ അറിയിച്ചത്​. പക്ഷേ അതിൽ നിന്ന്​ തങ്ങൾക്ക്​ ഒന്നും ലഭിച്ചില്ലെന്ന്​ ട്രംപ്​ വ്യക്​തമാക്കി.

ഒര​ു ഇന്ത്യൻ ബൈക്ക്​ അമേരിക്കയിൽ ഇറക്കുമതി ചെയ്യു​േമ്പാൾ നികുതിയൊന്നും ചുമത്തുന്നില്ല. എന്നാൽ, അമേരിക്കയിൽ നിന്ന്​ ഇന്ത്യയിലേക്ക്​ ഇറക്കുമതി ചെയ്യുന്ന ബൈക്കുകൾ ആദ്യം 100 ശതമാനവും ഇപ്പോൾ 50 ശതമാനവും നികുതി ചുമത്തുന്നുണ്ട്​. കുറച്ച നികുതിയുടെ ആനുകൂല്യം തങ്ങൾക്ക്​ ലഭിക്കുന്നില്ലെന്നും ട്രംപ്​ കുറ്റപ്പെടുത്തി. ഹാർലി​ ഡേവിഡ്​സൺ ബൈക്കുകളുടെ ഇറക്കുമതി തീരുവയുമായി ബന്ധപ്പെട്ട വിഷയം ഇത്​ രണ്ടാം തവണയാണ്​ ട്രംപ്​ ഉയർത്തികൊണ്ട്​ വരുന്നത്​.ബൈക്കുകൾക്ക്​ ഉയർന്ന നികുതി ചുമത്തുന്നത്​ അനീതിയാണെന്നാണ്​ ട്രംപി​​െൻറ അഭിപ്രായം.