എച്ച്​.1ബി  വിസ കാലാവധി ദീർഘിപ്പിക്കാത്തത്​ തെറ്റായ നടപടിയെന്ന്​ യു.എസ്​ വ്യവസായ മേഖല

വാഷിങ്​ടൺ: എച്ച്​.1ബി വിസയുടെ കാലാവധി ദീർഘിപ്പിക്കാത്തത്​ തെറ്റായ നടപടിയാണെന്ന്​ യു.എസ്​ വ്യവസായ സംഘടന. 70,000 ഇന്ത്യക്കാരെ തിരിച്ചയക്കാൻ ട്രംപ്​ ഭരണകൂടം നീക്കം നടത്തുന്നുവെന്ന വാർത്തകൾക്കിടെയാണ്​ യു.എസ്​ ചേംബർ ഒാഫ്​ കോമേഴ്​സി​​​െൻറ പ്രസ്​താവന.

അമേരിക്കയിൽ സ്ഥിരതാമസത്തിനുള്ള ഗ്രീൻ കാർഡിന്​ അപേക്ഷിച്ചവർക്ക്​ എച്ച്​.1ബി വിസ ദീർഘിപ്പിച്ച നൽകില്ലെന്നത്​ തെറ്റായ നയമാണ്​.​ ഇത്​ അമേരിക്കൻ വ്യവസായത്തെയും സമ്പദ്​വ്യവസ്ഥയെയും ​പ്രതികൂലമായി ബാധിക്കുമെന്നും അമേരിക്കൻ ചേംബർ ഒാഫ്​ കോമേഴ്​സ്​ വക്​താവ്​ വ്യക്​തമാക്കി. 

അമേരിക്കയിൽ ഗ്രീൻകാർഡിന്​ അപേക്ഷ നൽകിയവർക്ക്​ എച്ച്​.1ബി വിസ ദീർഘിപ്പിച്ച്​ നൽകില്ലെന്ന തീരുമാനം യു.എസ്​ ഭരണകൂടം എടുക്കുമെന്ന്​ റിപ്പോർട്ടുകളുണ്ടായിരുന്നു. ഏകദേശം 70,000 ഇന്ത്യക്കാരെ ഇത്​ പ്രതികൂലമായി ബാധിക്കുമെന്നും വാർത്തകളുണ്ടായിരുന്നു ഇതിന്​ പിന്നാലെയാണ്​ വിഷയത്തിൽ ആശങ്കയുമായി അമേരിക്കൻ വ്യവസായികളും രംഗത്തെത്തുന്നത്​.

എച്ച്​.1ബി വിസ ഉപയോഗിച്ചാണ്​ ഇന്ത്യക്കാർ അമേരിക്കൻ കമ്പനികളിൽ ജോലി ചെയ്യുന്നത്​. വിദഗ്​ധ മേഖലകളിൽ തൊഴിലെടുക്കാൻ ആവശ്യത്തിന്​ സ്വദേശികളെ കിട്ടാത്ത കാരണം പല അമേരിക്കൻ കമ്പനികളും ഇത്തരം മേഖലയിൽ ഇന്ത്യക്കാരെയാണ്​ ഉപയോഗിക്കുന്നത്​. എന്നാൽ, അമേരിക്കക്ക്​ പ്രാധാന്യം നൽകുകയെന്ന ട്രംപി​​​െൻറ നയം പുറത്ത്​ വന്നതോടെ പ്രശ്​നം വഷളാവുകയായിരുന്നു.