Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightകൊറോണക്ക്​ ആൻറിബോഡി...

കൊറോണക്ക്​ ആൻറിബോഡി ചികിത്സ കണ്ടെത്തിയെന്ന്​ ശാസ്ത്രജ്ഞൻ

text_fields
bookmark_border
കൊറോണക്ക്​ ആൻറിബോഡി ചികിത്സ കണ്ടെത്തിയെന്ന്​ ശാസ്ത്രജ്ഞൻ
cancel

കാലിഫോണിയ: ലോകമെമ്പാടും പടർന്നു പിടിച്ച കൊറോണ വൈറസ്​ മഹാമാരിക്ക്​ ആൻറിബോഡി ചികിത്സ കണ്ടെത്തിയെന്ന്​ കാലിഫോർണിയ ഡോക്​ടർ ജേക്കബ് ഗ്ലാൻ‌വില്ലെ. നെറ്റ്ഫ്ലിക്സ് ഡോക്യുമ​െൻററിയായ ‘പാൻഡെമികി 'ലൂ​ടെ അറിയിപ്പെടുന്ന ഡോക്ടറും ഡിസ്ട്രിബ്യൂട്ട് ബയോ എന്ന സഥാപനത്തി​ന്റെ സി.ഇ.ഒയുമായ ജേക്കബ് ഗ്ലാൻ‌വില്ലെ കോവിഡിനെ ഫലപ്രദമായി ചെറുക്കുന്ന ആൻറിബോഡി കണ്ടെത്തിയെന്നാണ്​ പ്രഖ്യാപിച്ചിരിക്കുന്നത്​.

2002ൽ സാർസ് (SARS)​ വൈറസിനെ നിർവീര്യമാക്കുന്നതിന്​ അഞ്ച് ആൻറിബോഡികൾ തൻെറ നേതൃത്വത്തിലുള്ള സംഘം പ്രയോഗിച്ചുവെന്നും അവയെ കോവിഡ്​19 വൈറസിനെതിരെ ഉപയോഗിക്കാമെന്നുമാണ്​ ഗ്ലാൻ‌വില്ലെ പറയുന്നത്​.

‘‘SARS-CoV-2 എന്നറിയപ്പെടുന്ന ഇത് കൊറോണ വൈറസുകളുടെ വിഭാഗത്തിൽ പെട്ടതാണ്​. കഠിനമായ ശ്വസന പ്രശ്നങ്ങൾ മുതൽ ജലദോഷം പോലുള്ള ശ്വാസകോശ അണുബാധ വരെ ഇതി​ന്റെ ലക്ഷണങ്ങളാകാം. കൊറോണ വൈറസ് സാർസിനേക്കാൾ വീര്യം കുറഞ്ഞതാണ്​. പക്ഷേ രോഗലക്ഷണങ്ങൾ പ്രത്യക്ഷപ്പെടാൻ കൂടുതൽ സമയമെടുക്കും. എന്നാൽ ഇവ രണ്ടും ഒരേ വിഭാഗത്തിൽ വരുന്നതിനാൽ
ഒരു വൈറസിനെതിരെ പോരാടുന്ന ആൻറിബോഡികൾ മറ്റൊന്നിനെതിരെയും പ്രവർത്തിപ്പിക്കാൻ സാധ്യതയുണ്ട്​. അതിനാൽ ഞങ്ങൾ ആൻറിബോഡികളുടെ ദശലക്ഷക്കണക്കിന് പതിപ്പുകൾ പരീക്ഷിച്ചു. കണ്ടെത്തിയ ആൻറിബോഡികൾ കുറച്ചുകൂടി പരിവർത്തനം ചെയ്‌തു. കൂടാതെ പരിവർത്തനം ചെയ്‌ത പതിപ്പുകളിൽ‌, അവ മറികടക്കുന്ന പതിപ്പുകൾ‌ കണ്ടെത്തി’’- ഗ്ലാൻ‌വില്ലെ റേഡിയോ ന്യൂസിലൻഡിനോട് പറഞ്ഞു.

മനുഷ്യരിൽ പരീക്ഷിക്കാനും വൈറസിനെതിരെ ചികിത്സക്ക്​ ഉപയോഗിക്കാനും കഴിയുന്ന അനുയോജ്യമായ മരുന്നുകളാണിത്. വൈറസ്​ ശരീരത്തിലേക്ക്​ കടക്കാൻ ഉപയോഗിക്കുന്ന എസ്-പ്രോട്ടീനുകളുമായി തന്നെ ആൻറിബോഡിയെ ബന്ധിപ്പിക്കുന്നു. ആൻറി വൈറൽ മരുന്ന്​ പോലെ തന്നെ ആശുപത്രിയിൽ കഴിയുന്ന രോഗിക്ക്​ നൽകാവുന്നതാണ്​ ഇതെന്നും ഡോക്​ടർ വിശദീകരിക്കുന്നു.

പുതിയ ഒരു ആൻറിബോഡി കണ്ടുപിടിക്കുന്നതിന്​ പകരം നിലവിലുള്ളവയിൽ പരീക്ഷണം നടത്തിയതാണ്​ കണ്ടെത്തൽ വേഗത്തിലാക്കിയതെന്ന്​ ഡോക്​ടർ പറഞ്ഞു. ഇതിൽ രണ്ടു വർഷത്തെ ഗവേഷണം നടത്തും.

ഹ്രസ്വകാല വാക്സിൻ എന്നാണ്​ ഈ ചികിത്സ അറിയപ്പെടുന്നത്​. എന്നാൽ യഥാർഥ വാക്‌സിനിൽ നിന്ന് വ്യത്യസ്തമായി, ആൻറിബോഡികൾക്ക് ഒരാളെ എട്ട് മുതൽ 10 ആഴ്ച വരെ മാത്രമേ സംരക്ഷിക്കാനാകൂ.ഒമ്പത്​ മുതൽ 12 മാസം വരെ എടുക്കുന്ന മരുന്നിൻെറ ഉത്പാദനം വേഗത്തിലാക്കാൻ ശ്രമിക്കുകയാണ്​.
ഈ ചികിത്സാ മാർഗത്തെ കുറിച്ച്​ പഠനം നടത്താൻ യു.എസ് സർക്കാരുമായി ബന്ധപ്പെട്ടതായും ഡോ. ഗ്ലാൻ‌വില്ലെ പറഞ്ഞു.

Show Full Article
TAGS:Dr Jacob Glanville Coronavirus antibody treatment world news 
Web Title - Dr Jacob Glanville, found a treatment for coronavirus -World news
Next Story