Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightഫിദൽ കാസ്ട്രോയുടെ പേര് ...

ഫിദൽ കാസ്ട്രോയുടെ പേര് ഉപയോഗിക്കുന്നത് ക്യൂബ നിരോധിക്കും

text_fields
bookmark_border
ഫിദൽ കാസ്ട്രോയുടെ പേര് ഉപയോഗിക്കുന്നത് ക്യൂബ നിരോധിക്കും
cancel

സാന്‍റിയാഗോ: രാജ്യത്തെ സ്മാരകങ്ങൾക്കും റോഡുകൾക്കും അന്തരിച്ച മുൻ പ്രസിഡന്‍റ് ഫിദൽ കാസ്ട്രോയുടെ പേര് നൽകുന്നത് ക്യൂബൻ ഭരണകൂടം നിരോധിക്കും. പേരു നൽകുന്നത് വ്യക്തിപൂജക്ക് കാരണമാകുമെന്ന് ചൂണ്ടിക്കാട്ടിയാണ് ക്യൂബൻ സർക്കാർ നിരോധനം ഏർപ്പെടുത്താൻ പോകുന്നത്. കൂടാതെ പൊതു നിരത്തുകൾക്കും സ്മാരകങ്ങൾക്കും തന്‍റെ പേര് നൽകുന്നതിനെ ജീവിച്ചിരുന്ന കാലത്ത് ഫിദൽ കാസ്ട്രോ എതിർത്തിരുന്നു. ഇതുകൂടി പരിഗണിച്ചാണ് റൗൾ കാസ്ട്രോ സർക്കാറിന്‍റെ നടപടി.

ഫിദലിന് ആദരാഞ്ജലി അർ‌പ്പിക്കാനായി കിഴക്കൻ നഗരമായ സാന്‍റിയാഗോയിൽ ഒത്തുചേർന്ന പൗരന്മാരെ അഭിസംബോധന ചെയ്താണ് റൗൾ കാസ്ട്രോ നിരോധന വിവരം പ്രഖ്യാപിച്ചത്. ക്യൂബൻ ദേശീയ അസംബ്ലിയുടെ അടുത്ത സമ്മേളനത്തിൽ നിരോധനം ഏർപ്പെടുത്തി കൊണ്ടുള്ള നിയമം പാസാക്കും.

മരണപ്പെട്ട വ്യക്തിയുടെ പേര് പൊതു സ്മാരകങ്ങൾ, സ്ഥാപനങ്ങൾ, റോഡുകൾ, പാർക്കുകൾ, മറ്റ് പൊതു സംവിധാനങ്ങൾ എന്നിവക്ക് നൽകുന്നത് വ്യക്തി ആരാധനക്ക് കാരണമാകുമെന്നും ഇത് അനാവശ്യമായ കീഴ്‌വഴക്കങ്ങൾ സൃഷ്ടിക്കുമെന്നുമായിരുന്നു ഫിദൽ കാസ്ട്രോയുടെ നിലപാട്.

കഴിഞ്ഞ നവംബർ 25 അന്തരിച്ച ഫിദൽ കാസ്ട്രോയുടെ സംസ്കാര ചടങ്ങുകൾ ഇന്ന് നടക്കും.

 

Show Full Article
TAGS:fidel castro raul castro cuba 
Next Story