പുതിയതായി സ്​ഥിരീകരിച്ചത്​ 38,708 പേർക്ക്​; ലോകത്തെ കോവിഡ്​ ബാധിതരുടെ എണ്ണം 13.8 ലക്ഷം

ന്യൂയോര്‍ക്ക്: ലോകത്തെ കോവിഡ്​ ബാധിതരുടെ എണ്ണം 13,84,712 ആയി. ഇതുവരെ 78,953 പേർ മരിച്ചതായാണ്​ ഒൗദ്യോഗിക കണക്ക്​. 2,97,377 പേർക്ക്​ രോഗം ഭേദമായി. 10,08,382 ആളുകളാണ്​ ഇപ്പോൾ ചികിത്സയിലുള്ളത്​. ഇതിൽ 47,662 ആളുകളുടെ നില ഗുരുതരമാണ്​. 24 മണിക്കൂറിന ിടെ ലോകത്താകെ 38,708 പുതിയ കോവിഡ്​ 4,299 മരണങ്ങളാണ്​ റിപ്പോർട്ട്​ ചെയ്​തത്​.

കോവിഡ്​ രോഗികളുടെ എണ്ണത്തിൽ ഒന ്നാം സ്ഥാനത്തുള്ള അമേരിക്കയിൽ 11,877 ആളുകൾക്കാണ്​ പുതിയതായി രോഗം സ്​ഥിരീകരിച്ചത്​. ഇവിടെ ആകെ രോഗികളുടെ എണ്ണം 3,78,881 ആയി. 949 പുതിയ മരണങ്ങൾ കൂടി റിപ്പോർട്ട്​ ചെയ്​തതോടെ അമേരിക്കയിൽ മരിച്ചവരുടെ എണ്ണം 11,820 ആയി. വൈറസ് ബാധ ഏറ്റവും കൂടുതല്‍ ആഘാതമേല്‍പ്പിച്ച ന്യൂയോര്‍ക്കില്‍ ഈ ആഴ്ച കൂടുതല്‍ മരണമുണ്ടാകുമെന്ന് ആരോഗ്യ കേന്ദ്രങ്ങളുടെ മുന്നറിയിപ്പുണ്ട്.

പ്രധാന നഗരമായ ന്യൂജേഴ്​സിയിലും രോഗം പടർന്നുപിടിച്ച അവസ്ഥയാണ്​. മിഷിഗണിലും കാലിഫോണിയയിലും ലൂസിയാനയിലും 15000ത്തിലധികം രോഗികളുണ്ട്​. ഇവിടുത്തെ ആശുപത്രികളെല്ലാം നിറഞ്ഞ അവസ്ഥയിലാണ്​.

ലോക രാജ്യങ്ങളിൽ കോവിഡ്​ മരണസംഖ്യ ഏറ്റവും കൂടുതലുള്ള ഇറ്റലിയിലാണ്​. 17,127 പേരാണ്​ ഇതുവരെ ഇറ്റലിയിൽ മരിച്ചത്​. രണ്ടാം സ്ഥാനത്തുള്ള സ്​പെയിനിൽ 13,897 പേർക്ക്​ ജീവൻ നഷ്​ടമായി.

ഇറാനിൽ 2089 പേർക്ക്​ പുതിയതായി കോവിഡ്​ സ്​ഥിരീകരിക്കുകയും 133 പേർ മരിക്കുകയും ചെയ്​തു. പ്രധാനമന്ത്രി ബോറിസ്​ ജോൺസണ്​ അടക്കം രോഗം ബാധിച്ച ബ്രിട്ടനിൽ 3,634 പേർക്കാണ്​ പുതിയതായി രോഗം കണ്ടെത്തിയത്​. 786 മരണങ്ങളാണ്​ പുതിയതായി റിപ്പോർട്ട്​ ചെയ്​തത്​.