കോവിഡ്​ 19; യു.എസിൽ ആറുമരണം, പടരുന്നത്​ അതിവേഗം

വാഷിങ്​ടൺ: ചൈനയിൽനിന്നും പൊട്ടിപുറപ്പെട്ട കോവിഡ്​ 19 ബാധ നിയന്ത്രിക്കാനാകാതെ ലോകരാജ്യങ്ങൾ. യു.എസിൽ ഇതുവരെ ആറുപേർ മരിച്ചതായി ആരോഗ്യവൃത്തങ്ങൾ അറിയിച്ചു. ചൈനക്ക്​ പുറത്ത്​ മരണനിരക്ക്​ ഉയരുന്നതിനാൽ മറ്റു രാജ്യങ്ങൾ കർശന പ്രതിരോധ നടപടികൾ സ്വീകരിക്കണമെന്നും വൈറസ്​ വ്യാപിക്കാതിരിക്കാനുള്ള മുൻകരുതലുകൾ സ്വീകരിക്കുമെന്നും ലോകാരോഗ്യ സംഘടന അറിയിച്ചു. കോവിഡ്​ 19 നി​യ​ന്ത്രണവിധേയമാക്കാൻ സാധിക്കും. അതിനുള്ള നടപടികളായിരിക്കണം ഇനി എല്ലാ രാജ്യങ്ങളുടെയും പ്രഥമ പരിഗണനയെന്നും ലോകാരോഗ്യ സംഘടന ഡയറക്​ർ ജനറൽ ആവശ്യപ്പെട്ടു.

ആസ്​ട്രേലിയയിൽ ജൈവ സുരക്ഷ നിയമം
കൊറോണ ബാധിതരിൽനിന്നും മറ്റുള്ളവരിലേക്ക്​ രോഗം പടരാതിരിക്കാൻ ജൈവ സുരക്ഷ നിയമം ഉപയോഗപ്പെടുത്തുമെന്ന്​ ആസ്​ട്രേലിയൻ അ​േറ്റാർണി ജനറൽ അറിയിച്ചു. കൊറോണ വൈറസ്​ ബാധ കണ്ടെത്തിയവർക്ക്​ യാത്രചെയ്യുന്നതിനും മറ്റും വിലക്ക്​ ഏർപ്പെടുത്തും. രോഗികളെ വീടിനുള്ളിലോ ഐസൊലേഷൻ വാർഡിലോ മാത്രമേ താമസിപ്പിക്കൂ. കൂടാതെ ​െപാതുസ്​ഥലങ്ങളിൽ ഒത്തുകൂടുന്നതിനും മറ്റും നിയന്ത്രണവും ഉണ്ടാകും. 2015ലാണ്​ ജൈവ സുരക്ഷ നിയമം ആസ്​ട്രേലിയ പാസാക്കിയത്​.

ഹോ​ങ്കോങ്​ പൗരന്മാരെ തിരിച്ചെത്തിക്കും
രോഗം ആദ്യം സ്​ഥിരീകരിച്ച ചൈനയിലെ വുഹാനിൽനിന്നും 533 ഹോ​ങ്കോങ്​​ പൗരന്മാരെ തിരിച്ചെത്തിക്കുമെന്ന്​ ഹോ​ങ്കോങ്​​ ചീഫ്​ എക്​സിക്യൂട്ടീവ്​​ കാരി ലാം അറിയിച്ചു. നാലു വിമാനങ്ങളിലായിരിക്കും ഇവരെ ഹോ​ങ്കോങ്ങിലെത്തിക്കുക. ബുധനാഴ്​ചയും വ്യാഴാഴ​്​ചയുമാണ്​ വിമാനം വുഹാനിൽ നിന്നും പുറപ്പെടുക. ഇവർ 14 ദിവ​സം വീട്ടുകരുതലിലായിരിക്കും.

പാകിസ്​താനിൽ അഞ്ചുപേർക്ക്​ രോഗബാധ
പാകിസ്​താനിൽ അഞ്ചുപേർക്ക്​ കൊറോണ വൈറസ്​ ബാധ സ്​ഥിരീകരിച്ചു. ആരോഗ്യ മന്ത്രി സഫർ മിശ്രയാണ്​ ഇക്കാര്യം ട്വിറ്ററിലൂടെ അറിയിച്ചത്​. രോഗികളുടെ ആരോഗ്യനിലയിൽ ആ​ശങ്കയി​െല്ലന്ന്​ അവർ അറിയിച്ചു.

പിടിവിട്ട്​ ​ദക്ഷിണകൊറിയയിൽ വൈറസ്​
ചൊവ്വാഴ്​ച മാത്രം ദക്ഷിണകൊറിയയിൽ 600 പേർക്ക്​ പുതുതായി രോഗം സ്​ഥിരീകരിച്ചു. മൂന്നുപേർ രോഗം ബാധിച്ച്​ മരിച്ചതായും കൊറിയ സെ​േൻറർസ്​ ഫോർ ഡി​സീസ്​ കൺട്രോൾ ആൻഡ്​ പ്രിവൻഷൻ അറിയിച്ചു. ദക്ഷിണകൊറിയയിൽ ഇതു​വരെ 4812 പേർക്ക്​ രോഗം സ്​ഥിരീകരിച്ചിട്ടുണ്ട്​. ചൈനക്ക്​ പുറത്ത് കൂടുതൽ​ രോഗം പടർന്നുപിടിച്ച രാജ്യങ്ങളിലൊന്നാണ്​ ദക്ഷിണകൊറിയ.

ചൈനയിൽ രോഗ ബാധിതരുടെ എണ്ണം കുറയുന്നു

കഴിഞ്ഞ ദിവസങ്ങളെ അ​േപക്ഷിച്ച്​ ചൈനയിൽ പുതുതായി രോഗം സ്​ഥിരീകരിക്കുന്നവരുടെ എണ്ണം കുറയുന്നതായി ചൈനീസ്​ ദേശീയ ആരോഗ്യ കമീഷൻ അറിയിച്ചു. തിങ്കളാഴ്​ച പുതുതായി 125 പേർക്കാണ്​ രോഗം സ്​ഥിരീകരിച്ചത്​. ഞായറാഴ്​ച ഇത്​​​ 202 ​ആയിരുന്നു. ജനുവരി മുതൽ രോഗം പടർന്നുപിടിച്ചതിൽ ഏറ്റവും കുറവ്​ ആളുകൾക്ക്​ പുതുതായി രോഗം സ്​ഥിരീകരിച്ച ദിവസമായിരുന്നു. 31 പേരാണ്​ തിങ്കളാഴ്​ച മരിച്ചത്​.