മരണം രണ്ട് ലക്ഷം കവിഞ്ഞു; രോഗബാധിതർ 30 ലക്ഷത്തിലേക്ക്
text_fieldsന്യൂയോർക്ക്: ലോകത്ത് കോവിഡ് 19 ബാധിച്ച് മരിച്ചവരുടെ എണ്ണം 2,01,083 ആയി. കോവിഡ് കേസുകളുടെ എണ്ണം 28,88,240 ആയി ഉയർന ്നു. ഇതുവരെ 8,23,623 പേരാണ് രോഗമുക്തി നേടിയത്. 53,194 പേർ മരിച്ച അമേരിക്ക തന്നെയാണ് നിലവിൽ ഏറ്റവും വലിയ കോവിഡ് ഹ ോട്സ്പോട്ട്. കഴിഞ്ഞ 24 മണിക്കൂറിൽ യു.എസിൽ റിപ്പോർട്ട് ചെയ്തത് 1001 പുതിയ മരണങ്ങളാണ്.
19,573 പേർക്ക് രോഗവും സ്ഥിരീകരിച്ചതോടെ രാജ്യത്തെ ആകെ വൈറസ് ബാധിതരുടെ എണ്ണം പത്ത് ലക്ഷത്തിലേക്കാണ് കുതിക്കുന്നത്. നിലവിൽ 9,44,805 പേരാണ് അമേരിക്കയിൽ കോവിഡ് ബാധിച്ച് ആശുപത്രികളിൽ കഴിയുന്നത്. ഒരു ലക്ഷത്തിലധികം പേർ രോഗം ഭേദമായി ആശുപത്രി വിട്ടിട്ടുമുണ്ട്.
ഇംഗ്ലണ്ടാണ് ഏറ്റവും കൂടുതൽ മരണം റിപ്പോർട്ട് ചെയ്യപ്പെട്ട രണ്ടാമത്തെ രാജ്യം. അവിടെ 813 പേർ മരിച്ചപ്പോർ 5000ത്തോളം പുതിയ കേസുകളും റിപ്പോർട്ട് ചെയ്യപ്പെട്ടു. ഫ്രാൻസിൽ ശനിയാഴ്ച കോവിഡ് മരണങ്ങൾ ഒന്നും തന്നെ സംഭവിച്ചിട്ടില്ല. യൂറോപ്പിലെ മറ്റ് രാജ്യങ്ങളായ സ്പെയിൻ, ഇറ്റലി എന്നിവിടങ്ങളിൽ കഴിഞ്ഞ 24 മണിക്കൂറിൽ യഥാക്രമം 378, 415 മരണങ്ങളാണ് സംഭവിച്ചത്. ഇരു രാജ്യങ്ങളിലും പുതിയ കേസുകളും നിരവധി റിപ്പോർട്ട് ചെയ്തു. എന്നാൽ ജർമനി, തുർക്കി എന്നിവിടങ്ങളിൽ മരണം യഥാക്രമം 45, 106 എന്നിങ്ങനെയാണ്. ഇറാനിൽ 76 പേരാണ് മരിച്ചത്. 1,134 പേർക്ക് കൂടി രോഗം സ്ഥിരീകരിച്ചു. ഇതുവരെ 5,650 പേർ രാജ്യത്ത് മരിച്ചിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.