Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightകോവിഡ്​: യു.എസിൽ മരണം...

കോവിഡ്​: യു.എസിൽ മരണം 42,000 കടന്നു; രോഗബാധിതർ 7,92000

text_fields
bookmark_border
covid.jpg
cancel

വാഷിങ്​ടൺ: കോവിഡ്​ 19 ഏറ്റവും രൂക്ഷമായി പിടിച്ചുലച്ച യു.എസിൽ രോഗബാധിതരായി മരിച്ചവരുടെ എണ്ണം 42,517 ആയി. പുതുതായി 154 പേർക്കു കൂടി രോഗം സ്ഥിരീകരിച്ചതോടെ ഇവിടെ ആകെ കോവിഡ് ​ബാധിതരുടെ എണ്ണം 7,92,913ലേക്ക്​ ഉയർന്നു​. 72,389 പേർ രോഗമുക് തരായി​. നിലവിൽ 678,007 പേർ ചികിത്സയിലുണ്ട്​. 13,951 രോഗികളുടെ നില ഗുരുതരമാണ്​.

ന്യൂയോർക്കിലാണ്​ ഏറ്റവും കൂടുതൽ രേ ാഗബാധിതരുള്ളത്​. 2,52,094 പേർക്കാണ്​ ന്യൂയോർക്കിൽ​ കോവിഡ്​ സ്ഥിരീകരിച്ചത്​. 209,278 പേർ ചികിത്സയിലുണ്ട്​. 18,929 രോഗികൾ മരണത്തിന്​ കീഴടങ്ങി. ന്യൂ ജഴ്​സി​, മസാച്ചുസെറ്റ്​സ്​ എന്നിവിടങ്ങളിലും രോഗം പിടി മുറുക്കിയിട്ടുണ്ട്​. രോഗം സ്ഥിരീകരിച്ചവരുടെ എണ്ണം ന്യൂ ജഴ്​സിയിൽ 88,806ഉം​ മസാച്ചുസെറ്റ്​സിൽ 39,643ഉം ആണ്​.

കാലിഫോർണിയയാണ്​ രോഗം ദ്രുതഗതിയിൽ വ്യാപിക്കുന്ന മറ്റൊരു പ്രദേശം. പുതുതായി 154 പേർക്കു കൂടി ഇവിടെ കോവിഡ്​ സ്ഥിരീകരിച്ചു. ഇതോടെ ആകെ കോവിഡ്​ കേസുകളുടെ എണ്ണം 33,840 ആയി. പുതുതായി മൂന്ന്​ മരണം കൂടി ഇവിടെ റിപ്പോർട്ട്​ ചെയ്​തിട്ടുണ്ട്​. ഇ​തോടെ കാലിഫോർണിയയിൽ കോവിഡ്​ ബാധിച്ച്​ മരിച്ചവരുടെ എണ്ണം 1226 ആയി.

കോവിഡ് വ്യാപനത്തെ പിടിച്ചുകെട്ടാൻ സാധിക്കാതായതോടെ രാജ്യത്തേക്കുള്ള കുടിയേറ്റം വിലക്കുമെന്ന് ​യു.എസ്​ പ്രസിഡൻറ്​ ഡോണൾഡ്​ ട്രംപ്​ അറിയിച്ചിട്ടുണ്ട്​.

"അജ്ഞാതമായ ശത്രുവിന്‍റെ ചെറിയ ആക്രമണം ഉണ്ടായിട്ടുണ്ട്. അതിനാൽ, മഹത്തായ അമേരിക്കൻ പൗരന്മാരുടെ സുരക്ഷ ഉറപ്പാക്കേണ്ടതുണ്ട്. രാജ്യത്തേക്കുള്ള കുടിയേറ്റം താൽകാലികമായി വിലക്കാനുള്ള ഉത്തരവിടും" എന്നായിരുന്നു ട്രംപിൻെറ ട്വീറ്റ്​.

വൈറസ് വ്യാപനം ശക്തമായ സാഹചര്യത്തിൽ മെക്സിക്കോ, കാനഡ എന്നീ അതിർത്തി രാജ്യങ്ങളിലേക്കുള്ള യാത്രകൾക്ക് അമേരിക്ക നിയന്ത്രണം ഏർപ്പെടുത്തിയിരുന്നു. പൗരന്മാർക്ക് സ്വന്തം രാജ്യത്തേക്ക് മടങ്ങിവരാനും ചരക്ക് ഗതാഗതത്തിനും മാത്രമാണ് അനുവാദമുള്ളത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:usworld newsmalayalam newscorona viruscovid 19covid death
News Summary - covid 19: 42000 death in US -world news
Next Story