യു.എസിൽ രണ്ടാഴ്​ചക്കുള്ളിൽ കോവിഡ്​ മരണനിരക്ക്​ ഏറ്റവും ഉയർന്നനിലയിലാകും​ -ട്രംപ്​

വാഷിങ്​ടൺ: കൊറോണ വൈറസ് മഹാമാരി മൂലം അമേരിക്കയിൽ ഏറ്റവും ഉയർന്ന മരണനിരക്ക് രണ്ടാഴ്ചയ്ക്കുള്ളിൽ ഉണ്ടായേക്കുമ െന്ന്​ പ്രസിഡൻറ്​ ഡോണൾഡ് ട്രംപ് . അമേരിക്കയിൽ ഇതുവരെ 142,178 പേർക്കാണ്​ കോവിഡ്​ സ്ഥിരീകരിച്ചിട്ടുള്ളത്​. 2,484 പേർ മ രിക്കുകയും ചെയ്​തു.

ഏപ്രിൽ 30 വരെ ജനങ്ങൾ “സാമൂഹിക അകലം പാലിക്കൽ” തുടരണമെന്നും വൈറസ്​ വ്യാപനം തടയാൻ കൂടുതൽ നിയന്ത്രണങ്ങൾ കൊണ്ടുവരുമെന്നും ട്രംപ് പറഞ്ഞു.
ജൂൺ ഒന്നോടെ കോവിഡ്​ പൂർണമായും നിയന്ത്രിക്കാനാകുമെന്നും അദ്ദേഹം കൂട്ടിച്ചേർത്തു.

ലോകത്ത്​ ഏറ്റവും കൂടുതൽ കോവിഡ്​ ബാധിതരുള്ളത്​ അമേരിക്കയിലാണ്​. ന്യൂയോർക്കിൽ മാത്രം 1000 പേർ​ മരിച്ചിട്ടുണ്ട്. കോവിഡിനെ തുടര്‍ന്ന് അമേരിക്കയില്‍ രണ്ടുലക്ഷം പേര്‍ വരെ മരിച്ചേക്കുമെന്ന്‌ രാജ്യത്തെ ഉന്നത ആരോഗ്യ ഉദ്യോഗസ്ഥര്‍ മുന്നറിയിപ്പ് നല്‍കിയിട്ടുണ്ട്​.

ഇറ്റലിയിൽ മരിച്ചവരുടെ എണ്ണം 10,000 കടന്നു. ഞായറാഴ്​ച 756 പേരാണ് ഇവിടെ മരിച്ചത്. കോവിഡ്​ മരണങ്ങൾ ഞായറാഴ്ച ഏറ്റവും കൂടുതൽ റിപ്പോർട്ട്​ ചെയ്യപ്പെട്ടത് സ്​പെയിനിലാണ്​. 24 മണിക്കൂറിനുള്ളിൽ 838 പേരാണ്​ സ്​പെയിനിൽ മരിച്ചത്​. ഇവിടെ മരിച്ചവരുടെ എണ്ണം 6,803 ആയി​.

യു.എസിൽ രണ്ടുലക്ഷം പേർ മരിക്കുമെന്ന്​ മുന്നറിയിപ്പ്​

ന്യൂ​യോർക്​: യു.എസിൽ കോവിഡ്​ രണ്ടു ​ലക്ഷം ആളുകളുടെ ജീവനെടുക്കുമെന്ന്​ ആരോഗ്യവിദഗ്​ധ​​െൻറ മുന്നറിയിപ്പ്​. സി.എൻ.എൻ ചാനലിനു നൽകിയ അഭിമുഖത്തിലാണ്​ നാഷനൽ ഇൻസ്​റ്റിറ്റ്യൂട്ട്​ ഓഫ്​ അലർജി ആൻഡ്​ ഇൻഫക്​ഷസ്​ ഡിസീസ്​ വിഭാഗം മേധാവി ആൻറണി ഫൗസിയുടെ മുന്നറിയിപ്പ്​. കോവിഡ്​ ബാധിതരുടെ എണ്ണം ഭീതിദമായി രീതിയിൽ വർധിക്കുന്ന ന്യൂയോർക്, ന്യൂ ഒർലിയൻസ്​ പോലുള്ള സുപ്രധാന നഗരങ്ങൾ മരുന്നും വ​െൻറിലേറ്റർ സൗകര്യമുൾപ്പെടെയുള്ള അവശ്യസാധനങ്ങൾക്ക്​ ബുദ്ധിമുട്ടുകയാണ്​. കോവിഡ്​ പരിശോധന കിറ്റിനും ക്ഷാമമുണ്ട്​.

ഇതുവരെ 2490പേരാണ്​ യു.എസിൽ കോവിഡ്​ മൂലം മരിച്ചത്​. വൈറസ്​ ബാധിതരുടെ എണ്ണം 1,30,000 കടന്നു. ലോകരാജ്യങ്ങളിൽ ഏറ്റവും കൂടുതൽ വൈറസ്​ ബാധിതരുള്ളത്​ യു.എസിലാണ്​. കണക്കുകൾ അനുസരിച്ച്​ ന്യൂയോർക്കിൽ ഓരോ ആറു മിനിറ്റിലും ഒരാൾവീതം മരിച്ചുവീഴുന്നുവെന്നാണ്​. വരുംദിവസങ്ങളിൽ രോഗികളെ പ്രവേശിപ്പിക്കാൻ ആശുപത്രികൾ മതിയാകാതെ വരുമെന്ന്​ ഗവർണർ ആൻഡ്ര്യൂ കുവോമാ ചൂണ്ടിക്കാട്ടി.

ലൂയീ​സിയാനയിൽ 12000 വ​െൻറിലേറ്ററുകൾക്ക്​ സ്വകാര്യ കമ്പനികൾക്ക്​ ഓർഡർ ​െകാടുത്തതായി ഗവർണർ ജോൺ ബെൽ എഡ്​വാഡ്​സ്​ വ്യക്തമാക്കി. ന്യൂമോണിയ ബാധിതർക്കുള്ള മരുന്നിനും ഓക്​സിജൻ സിലിണ്ടറുകൾക്കും വ​െൻറിലേറ്ററുകൾക്കും ക്ഷാമം അനുഭവപ്പെടുന്നതിൽ ഡോക്​ടർമാരും ചകിതരാണ്​.