ഹ്യൂസ്​റ്റനിലെ ചൈനീസ്​ കോൺസുലേറ്റ്​ അടച്ചുപൂട്ടാൻ അമേരിക്കൻ ഉത്തരവ്​

ഹോ​േങ്കാങ്​: അമേരിക്കയും ചൈനയും തമ്മിൽ വ്യാപാര, സൈനിക മേഖലകളിലെ സംഘർഷം നയതന്ത്ര തലത്തിലേക്കും വ്യാപിക്കുന്നു. അമേരിക്കയിലെ ഹ്യൂസ്​റ്റനിലുള്ള ചൈനീസ്​ കോൺസുലേറ്റ്​ അടച്ചുപൂട്ടാൻ അമേരിക്ക ഉത്തരവിട്ടു​. അമേരിക്കയു​െട ഏകപക്ഷീയ രാഷ്​ട്രീയ പ്രകോപനമാണ്​ തീരുമാനമെന്ന്​ ചൈന വ്യക്​തമാക്കി.അന്താരാഷ്​ട്ര നിയമങ്ങളുടെയും, യു.എസും ചൈനയും ഒപ്പുവെച്ച നയതന്ത്ര ഉടമ്പടിയുടെയും ലംഘനമാണെന്ന്​ ചൈനീസ്​ വിദേശകാര്യ മന്ത്രാലയം കുറ്റപ്പെടുത്തി. അമേരിക്ക ഉടൻ തീരുമാനം പിൻവലിച്ചില്ലെങ്കിൽ തിരിച്ചടിയുണ്ടാകും. 

ചൊവ്വാഴ്​ച ​​ൈവകുന്നേരം ഹ്യൂസ്​റ്റനിലെ ചൈനീസ്​ കോൺസുലേറ്റിൽ ഉദ്യോഗസ്ഥർ രേഖകൾ കത്തിക്കുന്നതി​​െൻറ ദൃശ്യങ്ങൾ പുറത്തുവരുകയും പൊലീസ്​ സ്ഥലത്തെത്തുകയും ചെയ്​തിരുന്നു. 72 മണിക്കൂറിനകം കോൺസുലേറ്റ്​ അടച്ചുപൂട്ടണമെന്നാണ്​ അമേരിക്കൻ നിർദേശമെന്ന്​ ചൈനീസ്​ കമ്യൂണിസ്​റ്റ്​ പാർട്ടിയുമായി അടുത്ത ബന്ധം പുലർത്തുന്ന മാധ്യമമായ ‘ഗ്ലോബൽ ടൈംസ്​’ റിപ്പോർട്ട്​ ചെയ്​തു.

അമേരിക്കൻ പൗരന്മാരുടെ ബൗദ്ധിക സ്വത്തവകാശവും സ്വകാര്യ വിവരങ്ങളും സംരക്ഷിക്കുന്നതി​​െൻറ ഭാഗമായാണ്​ ഉത്തരവെന്ന്​ യു.എസ്​. സ്​​േറ്ററ്റ്​ ഡിപ്പാർട്​മ​െൻറ്​ വക്താവ്​ പറഞ്ഞു. നയത​ന്ത്ര ഉദ്യോഗസ്ഥർ അതത്​ രാജ്യങ്ങളിലെ നിയമങ്ങളും നിയന്ത്രണങ്ങളും പാലിക്കാൻ ബാധ്യസ്ഥരാണെന്നും ആഭ്യന്തര കാര്യങ്ങളിൽ ഇടപെടരുതെന്നും അമേരിക്കൻ വക്താവ്​ പറഞ്ഞു. അമേരിക്കയുടെ പരമാധികാരം ചോദ്യം ചെയ്യാനും പൗരന്മാരെ ഭീഷണിപ്പെടുത്താനും ചൈനയെ അനുവദിക്കില്ല. അമേരിക്കയിലെ തൊഴിലുകൾ തട്ടിയെടുക്കുന്നതും നീതിയുക്തമല്ലാത്ത വ്യാപാര ഇടപാടുകൾ നടത്തുന്നതും അംഗീകരിക്കാനാകില്ലെന്നും സ്​റ്റേറ്റ്​ ഡിപ്പാർട്​മ​െൻറ്​ പറഞ്ഞു.