Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightചൈനീസ്​ ഹാക്കർമാർ...

ചൈനീസ്​ ഹാക്കർമാർ കോവിഡ്​ വാക്​സിൻ പരീക്ഷണ വിവരങ്ങൾ ചോർത്തി -അമേരിക്ക

text_fields
bookmark_border
ചൈനീസ്​ ഹാക്കർമാർ കോവിഡ്​ വാക്​സിൻ പരീക്ഷണ വിവരങ്ങൾ ചോർത്തി -അമേരിക്ക
cancel

വാഷിങ്​ടൺ: അമേരിക്കയിലെ നൂറ്​ കണക്കിന്​ കമ്പനികളിലും ലോകത്തി​​​െൻറ പല ഭാഗങ്ങളിലുമായി നടന്നുവരുന്ന കോവിഡ് 19 വാക്സിന്‍ പരീക്ഷണങ്ങളുടെ വിവരങ്ങള്‍ ചൈനീസ് ഹാക്കര്‍മാര്‍ ചോര്‍ത്താന്‍ ശ്രമിക്കുന്നുവെന്ന ആരോപണവുമായി അമേരിക്ക. ഇതുമായി ബന്ധപ്പെട്ട്​ രണ്ട്​ ചൈനീസ് ഹാക്കര്‍മാർക്കെതിരെ കേസെടുത്തതായി അമേരിക്കൻ ജസ്റ്റിസ്​ ഡിപ്പാർട്ട്​മ​​െൻറ്​ അറിയിച്ചു. ലി ഷിയോയു (34), ഡോങ് ജിയാഷി (33) എന്നിവർക്കെതിരെയാണ്​ കേസെടുത്തത്​. 

യു.എസ്​, ഹോ​േങ്കാങ്​, ചൈന എന്നിവിടങ്ങളിലെ മനുഷ്യാവകാശ പ്രവർത്തകരെയും ഹാക്കർമാർ ലക്ഷ്യമിട്ടതായി അസിസ്റ്റൻറ്​ അറ്റോണി ജനറൽ ജോൺ ഡെമേസ്​ ആരോപിച്ചു. സൈബർ ക്രിമിനലുകളുടെ സ്വർഗമായ റഷ്യ, ഇറാൻ, നോർത്ത്​ കൊറിയ തുടങ്ങിയ രാജ്യങ്ങളുടെ കൂടെ ചേർന്നിരിക്കുകയാണ്​ ചൈനയെന്നും അദ്ദേഹം പറഞ്ഞു. 

വിവിധ ആഗോള കമ്പനികളുടെ ബില്യൺ ഡോളര്‍ വിലവരുന്ന വ്യാപാര രഹസ്യങ്ങളും ഹാക്കര്‍മാര്‍ ചോര്‍ത്തിയതായി അമേരിക്ക വ്യക്​തമാക്കുന്നു. വാക്സിന്‍ പരീക്ഷണങ്ങളിലേര്‍പ്പെട്ട കമ്പനികളുടെ വിവരങ്ങളും ബന്ധപ്പെട്ട ബൗദ്ധിക സ്വത്തവകാശങ്ങളും ഹാക്കർമാർ ചോര്‍ത്താന്‍ ശ്രമിച്ചതി​​​െൻറ വിവരങ്ങളും ലഭ്യമായിട്ടുണ്ടെന്നാണ്​ അമേരിക്കൻ മാധ്യമങ്ങൾ റിപ്പോർട്ട്​ ചെയ്യുന്നത്​. സര്‍ക്കാരി​​​െൻറ ഒത്താശയോടെ ചൈനയിൽ വെച്ച്​ തന്നെയാണ് യുവാക്കളുടെ​ ഹാക്കിങ്​ എന്നും​ റിപ്പോർട്ടുകളുണ്ട്​​.

എന്നാൽ, അമേരിക്കയുടെ ആരോപണങ്ങൾക്കെതിരെ ശക്​തമായ പ്രതികരണവുമായി ചൈന രംഗത്തെത്തി. ചൈനയിലെ ശാസ്​ത്രജ്ഞൻമാരെയും അവരുടെ കണ്ടുപിടുത്തങ്ങളെയും അപമാനിക്കുന്ന തരത്തിലുള്ളതാണ്​ അത്തരം ആരോപണങ്ങളെന്ന് യു.കെയിലെ​ ചൈനീസ്​ അംബാസഡർ ലിയു ഷിയോമിങ്​ പറഞ്ഞു. അടിസ്ഥാനമില്ലാത്ത ഇത്തരം ആരോപണങ്ങൾ ലോകമൊന്നിച്ച്​ തള്ളിക്കളയണമെന്നും അദ്ദേഹം ട്വീറ്റ്​ ചെയ്​തു.

ചൈനയോടുള്ള വിദ്വേഷമാണ് ഇത്തരമൊരു ആരോപണത്തിന് പിന്നിൽ. ലോകത്തിലെ ഏറ്റവും വലിയ സാങ്കേതിക ശക്തിയെന്ന പദവിക്ക് കോട്ടം തട്ടുമ്പോഴുള്ള അസ്വസ്ഥതയാണ്​ അമേരിക്ക കാണിക്കുന്നതെന്നും ചൈന പറയുന്നു. ചൈനീസ് ജനതയുടെ കഠിനാധ്വാനം കൊണ്ടാണ് നേട്ടങ്ങളുണ്ടായത്. തെറ്റായ ആരോപണങ്ങളിലൂടെ ചൈനയുടെ നേട്ടത്തെ കുറച്ച് കാണാനാകില്ലെന്നും അമേരിക്കയുടെ ആരോപണങ്ങൾക്ക്​ അതേ നാണയത്തിൽ രാജ്യം മറുപടി നൽകുമെന്നും വിദേശ കാര്യ വക്താവ് ഹുവാ ചുന്നിയിങ്ങും അറിയിച്ചു.
 

Show Full Article
TAGS:china us vs china covid vaccine 
Next Story