കാനഡയിൽ മലയാളി മുസ്​ലീം അസോസിയേഷൻ രൂപീകരിച്ചു

ടൊറണ്ടോ: കാനഡയിൽ മലയാളി മുസ്​ലിൃകൾക്കായി പുതിയ അസോസിയേഷൻ രൂപീകരിച്ചു. മലയാളി മുസ്ലിം അസോസിയേഷൻ ഓഫ് കാനഡ (എംമാക് ) എന്ന സംഘടന പ്രാദേശിക സ്ത്രീ, യുവജന പ്രാധിനിത്യം ഉറപ്പാക്കിയാണ്​ രൂപീകരിച്ചത്​.

കാനഡ നോൺ പ്രോഫിറ്റ് കോർപ്പറേഷൻ ആക്ട് പ്രകാരം ഫെഡറൽ ആയാണ്​ സംഘടന രജിസ്റ്റർ ചെയ്​തത്​. ഡിസംബർ ഒന്നാം തീയതി കാനഡയിലെ മിസ്സിസ്സാഗയിൽ നടന്ന ചടങ്ങിൽ സംഘടനയുടെ ഒൗദ്യോഗിക ലോഞ്ചിങ്​ നടന്നു. നോർത്ത് അമേരിക്കൻ ഫിഖ്ഹ് കൗൺസിൽ അംഗവും മലയാളിയുമായ ഷെയ്ഖ് അഹമ്മദ് കുട്ടി എംമാക് വെബ്സൈറ്റും ഉദ്​ഘാടനം ചെയ്​തു.

2019 നവംബർ മാസത്തോട് കൂടി വോട്ടിങ്ങിലൂടെ തിരഞ്ഞെടുക്കുന്ന ഡയറക്ടർ ബോർഡ് നിലവിൽ വരുമെന്ന് ഇടക്കാല പ്രസിഡണ്ട്‌ ഉമർ ഷെരീഫ് അറിയിച്ചു. ഫാത്തിമ ഫെബി (അഡ്മിനിസ്ട്രേഷൻ ), അഹമ്മദ് ഷമീം (ഫൈനാൻസ്) , സലീം ഷെയ്ഖ് (സോഷ്യൽ സർവീസ് ), അബ്ദുൽ നാസർ (ഇവൻറ്സ് ), അബ്ദുൽ സലാം (കമ്മ്യൂണിക്കേഷൻ) എന്നിവരാണ് ഇടക്കാല എക്സിക്യൂട്ടീവ് കൗൺസിൽ അംഗങ്ങൾ.