കോവിഡ്​ പ്രതിരോധത്തിലെ അതൃപ്​തി; സ്ഥാനമേറ്റെടുത്ത്​ ഒരു മാസത്തിനുള്ളിൽ രാജി നൽകി ബ്രസീൽ ആരോഗ്യമന്ത്രി

സാവോ പോളോ: ബ്രസീൽ കോവിഡ്​ 19 വൈറസിനെ നേരിടുന്നതിൽ സ്വീകരിക്കുന്ന നടപടികളിൽ അതൃപ്​തി രേഖപ്പെടുത്തി ആരോഗ്യമന്ത്രി നെൽസൺ ടെയിച്ച്​ രാജിവെച്ചു. സ്ഥാനമെറ്റടുത്ത്​ ഒരു മാസത്തിനുള്ളിലാണ്​ രാജി. ലോകത്തിൽ തന്നെ കോവിഡി​​െൻറ പ്രധാന കേന്ദ്രങ്ങളിലൊന്നായി ബ്രസീൽ മാറിയിരുന്നു.

പ്രസിഡൻറ്​  ബോൾസനാരോയുമായുള്ള അഭിപ്രായ ഭിന്നതകളെ തുടർന്നാണ്​ രാജിയെന്നാണ്​ സൂചന. കോവിഡ്​ രോഗികൾക്ക്​ ഹൈഡ്രോക്​സിക്ലോറോക്വിൻ നൽകുന്നതുമായി ബന്ധപ്പെട്ട്​ സമ്പദ്​വ്യവസ്ഥയിൽ ഇളവുകൾ അനുവദിക്കുന്നതിലും ഇരുവരും തമ്മിൽ അഭിപ്രായ ഭിന്നതകളുണ്ടായിരുന്നുവെന്നാണ്​ സൂചന.

ജിം, ബ്യൂട്ടിപാർലർ തുടങ്ങിയവ​െയല്ലാം തുറക്കാമെന്ന്​ ബോൾസനാരോ ഉത്തരവിട്ടിരുന്നു. കോവിഡ്​ ഭീഷണിക്കിടെ ബ്രസീലിൽ രാജിവെക്കുന്ന രണ്ടാമത്തെ ആരോഗ്യമന്ത്രിയാണ്​ ടെയിച്ച്​. നേരത്തെ നെൽസൺ മാൻഡേറ്റയും രാജിവെച്ചിരുന്നു. ബ്രസീൽ കോവിഡ്​ 19 വൈറസ്​ ബാധയെ നേരിടുന്നതിനായി സ്വീകരിച്ച നടപടികൾക്കെതിരെ ആഗോളതലത്തിൽ വ്യാപക വിമർശനമുയർന്നിരുന്നു.