ആമസോണിലെ തീപിടിത്തം; സൈന്യത്തെ അയക്കുമെന്ന്​ ബ്രസീൽ

റിയോ ഡി ജനീറോ: ആമസോൺ മഴക്കാടുകളിലുണ്ടായ തീയണക്കാൻ സൈന്യത്തെ അയക്കുമെന്ന്​ ​ബ്രസീൽ. പ്രസിഡൻറ്​ ജെയർ ബോൾസ ോനാരോയാണ്​ സൈന്യത്തെ അയക്കുമെന്ന്​ അറിയിച്ചത്​. പ്രശ്​നത്തിൽ ആഗോള സമ്മർദ്ദം ശക്​തമാകുന്നതിനിടെയാണ്​ ബ്രസീലിൻെറ നടപടി.

ആമസോൺ മഴക്കാടുകളിൽ 60 ശതമാനവും സ്ഥിതി ചെയ്യുന്നത്​ ബ്രസീലിലാണ്​. എന്നാൽ, മഴക്കാടുകളിൽ തീപടർന്നു പിടിക്കു​േമ്പാഴും ഇത്​ അണക്കുന്നതിനുള്ള നടപടികൾ ബ്രസീൽ സ്വീകരിക്കുന്നില്ലെന്ന്​ ആക്ഷേപം ഉയർന്നിരുന്നു. ജി 7 രാജ്യങ്ങൾ ആമസോൺ മഴക്കാടുകളിലെ തീപിടിത്തത്തെ കുറിച്ച്​ ചർച്ച ചെയ്യണമെന്ന്​ ​ഫ്രഞ്ച്​ പ്രസിഡൻറ്​ ഇമാനുവൽ മാ​ക്രോൺ ആവശ്യപ്പെട്ടിരുന്നു.

തുടർന്ന്​ യുറോപ്യൻ രാജ്യങ്ങൾ ഇനിയും തീയണക്കാൻ കാര്യക്ഷമമായി ഇടപ്പെട്ടില്ലെങ്കിൽ ബ്രസീലുമായുള്ള വ്യാപാര ബന്ധം വിചേഛദിക്കുമെന്നും ഭീഷണി മുഴക്കിയിരുന്നു. ഇതിന്​ പിന്നാലെയാണ്​ കാട്ടുതീയിൽ നടപടികൾ സ്വീകരിക്കാൻ ബ്രസീൽ നിർബന്ധിതമായത്​.