Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightലോക്​ഡൗണിനെതിരെ...

ലോക്​ഡൗണിനെതിരെ ബ്രസീലിൽ ആയിരങ്ങൾ തെരുവിലിറങ്ങി; ജനങ്ങളെ അഭിസംബോധന ചെയ്​ത്​ പ്രസിഡൻറ്​

text_fields
bookmark_border
ലോക്​ഡൗണിനെതിരെ ബ്രസീലിൽ ആയിരങ്ങൾ തെരുവിലിറങ്ങി; ജനങ്ങളെ അഭിസംബോധന ചെയ്​ത്​ പ്രസിഡൻറ്​
cancel

റിയോ ഡി ജനീറോ: കോവിഡ്​ മഹാമാരിയുടെ വ്യാപനം തടയാൻ ഗവർണർമാർ പ്രഖ്യാപിച്ച ലോക്​ഡൗണിനെതിരെ ബ്രസീലിൽ വൻ പ്രതിഷേ ധം. വിവിധയിടങ്ങളിലായി സംഘടിപ്പിച്ച പ്രതിഷേധ റാലിയിൽ മാസ്​കോ മറ്റ്​ സുരക്ഷാ ഉപാധികളോ ധരിക്കാതെ ആയിരങ്ങളാണ് ​ അണിചേർന്നത്​. പ്രസിഡൻറ്​ ജെയ്ർ ബൊൽസൊനാരോയും പ്രതിഷേധത്തിൽ പങ്കാളിയായിരുന്നു. രാജ്യത്തെ ക്വാറന്റീൻ നിയന്ത്രണങ്ങൾ പിൻവലിക്കണമെന്നും ലോക്​ഡൗൺ അവസാനിപ്പിക്കണമെന്നും ആവശ്യപ്പെട്ടാണ്​ ജനങ്ങൾ ഒത്തുകൂടിയത്. കോവിഡ്​ നിയന്ത്രണങ്ങളുടെ കാര്യത്തിൽ ബ്രസീലിൽ കേന്ദ്രത്തിനും പ്രദേശിക ഭരണകൂടങ്ങൾക്കും രണ്ടഭിപ്രായമാണുള്ളത്. പ്രസിഡൻറ്​ ബൊൽസൊനാരോ ലോക്​ഡൗൺ രീതികളെ എതിർക്കു​മ്പോൾ പ്രാദേശിക ഭരണകൂടങ്ങൾ വലിയ നിയന്ത്രണങ്ങളാണ്​ ഏർപ്പെടുത്തിയിരിക്കുന്നത്​.

തലസ്ഥാന നഗരമായ ബ്രസീലിയയിലെ സൈനിക ആസ്ഥാനത്തിന് മുന്നിൽ സംഘടിപ്പിച്ച പ്രതിഷേധത്തിലാണ് ബൊൽസൊനാരോ പിന്തുണയുമായി എത്തിയത്​. 600ഒാളം പേർ പ​ങ്കെടുത്ത റാലിയെ സുരക്ഷാ മുൻകരുതലുകളൊന്നുമില്ലാതെ അഭിസംബോധന ചെയ്​ത ബൊൽസൊനാരോ പ്രസംഗത്തിനിടെ പല തവണയായി ചുമക്കുകയും ചെയ്​തിരുന്നു.

രാജ്യത്തെ വിവിധ സംസ്ഥാനങ്ങളിലെ ഗവർണർമാർ മുന്നോട്ട് വച്ച ഐസൊലേഷൻ രീതികളോടും ലോക്ഡൗൺ നിയന്ത്രണങ്ങളോടും കോൺഗ്രസും സുപ്രീംകോടതിയും അനുകൂല നിലപാടാണ്​ സ്വീകരിച്ചുവരുന്നത്​. ബ്രസീലിയൻ കോൺഗ്രസും സുപ്രീംകോടതിയും സൈന്യം ഇടപ്പെട്ട് അടപ്പിക്കണമെന്നും രാജ്യത്ത്​ പട്ടാള ഭരണം കൊണ്ടുവരണമെന്നുമാണ്​ പ്രതിഷേധക്കാരുടെ ആവശ്യം​. കോവിഡ്​ 19 വൈറസ്​ ഭീതിയൊഴിവാക്കാൻ രാജ്യത്ത്​ നടപ്പാക്കിയ നിയന്ത്രണങ്ങൾ പിൻവലിക്കാൻ ആഹ്വാനം ചെയ്യുന്ന പ്രസിഡൻറ്​ ജെയ്ർ ബൊൽസൊനാരോയുടെ നടപടിയെ ഗവർണർമാർ നിരന്തരം എതിർത്തിരുന്നു.

മാർച്ച്​ പകുതി മുതൽ ബ്രസീലിലെ സംസ്ഥാനങ്ങളിൽ ഗവർണർമാർ പ്രഖ്യാപിച്ച ലോക്​ഡൗൺ വൈറസിനെ തുരത്തുന്നതിനേക്കാൾ ജനങ്ങളുടെ ജീവിതത്തെയും ആരോഗ്യത്തെയുമാണ്​ കൂടുതൽ ബാധിച്ചിരിക്കുന്നതെന്ന്​ ബൊൽസൊനാരോ പറഞ്ഞു. അതേസമയം, ഗൗരവമേറിയ സാഹചര്യത്തിൽ ജനങ്ങളെ സുരക്ഷാ മുൻകരുതലേതുമില്ലാതെ ഒരുമിച്ചുകൂട്ടിയ പ്രസിഡൻറിന്റെ നടപടിക്കെതിരെ വലിയ വിമർശനമാണ്​ ഉയരുന്നത്​.

നിലവിൽ ലാറ്റിനമേരിക്കയിൽ ഏറ്റവും കൂടുതൽ കോവിഡ് കേസുകൾ റിപ്പോർട്ട് ചെയ്യപ്പെട്ടിരിക്കുന്നത്​ ബ്രസീലിലാണ്​. 38,654 പേർക്ക്​ കൊവിഡ് സ്ഥിരീകരിച്ചപ്പോൾ ഇതുവരെ 2,462 രോഗം ബാധിച്ച്​ മരിച്ചതായാണ്​ കണക്കുകൾ.

Show Full Article
TAGS:Jair Bolsonaro brazil world news 
Web Title - Brazil's Bolsonaro joins protest against coronavirus restrictions-world news
Next Story