ബ്രസീൽ പ്രസിഡൻറി​െൻറ കോവിഡ്​ വിരുദ്ധ ട്വീറ്റുകൾ നീക്കി

സാവോപോളോ: കോവിഡ്​ വ്യാപനം തടയുന്നതിനുള്ള ഐസൊലേഷനെ ചോദ്യംചെയ്​ത ബ്രസീൽ പ്രസിഡൻറ്​ ജയ്​ർ ബൊൽസൊനാരോ യുടെ ട്വീറ്റുകൾ​ ട്വിറ്റർ നീക്കി. സമൂഹ മാധ്യമ നിയമം ലംഘിച്ച ട്വീറ്റുകളാണിതെന്നു കണ്ടാണ്​ ട്വിറ്ററി​​െൻറ നടപടി.

ആളുകൾ കൂടിച്ചേരുന്നത്​ വിലക്കിയ ഗവർണർമാരുടെ നടപടി പരിഹാസ്യമാണെന്നും രാജ്യത്തി​​െൻറ സമ്പദ്​വ്യവസ്​ഥ തകരാനേ ഇതു കാരണമാകൂ എന്നുമായിരുന്നു തീവ്രവലതുപക്ഷ നേതാവി​​െൻറ ട്വീറ്റ്​​. നിരീക്ഷണം തുടർന്നാൽ രോഗം ബാധിച്ചായിരിക്കില്ല, പട്ടിണി കിടന്നാവും നിങ്ങൾ മരിക്കുകയെന്നായിരുന്നു രണ്ടാമത്തെ ട്വീറ്റ്​.

ലോക്​ഡൗൺ ഇങ്ങനെ തുടർന്നാൽ തൊഴിലില്ലായ്​മ രൂക്ഷമാകും. വെനിസ്വേലയിലെ പോലെ വരുംകാലങ്ങളിൽ പോലും പരിഹാരം കാണാനാവാത്ത രീതിയിലേക്ക്​ മോശമാകുകയും ചെയ്യുമെന്ന്​ ട്വീറ്റുകളിലൂടെ ബ്രസീൽ പ്രസിഡൻറ്​ ചൂണ്ടിക്കാട്ടിയിരുന്നു.