ജനങ്ങളോട്​ സാമൂഹിക അകലം പാലിക്കാൻ ആവശ്യപ്പെട്ട ആരോഗ്യമന്ത്രിയെ പുറത്താക്കി ബൊൽസൊനാരോ

റിയോ ഡി ജനീറോ: കോവിഡ് മഹാമാരിയുടെ ഭീതിയൊഴിയാത്ത ലാറ്റിനമേരിക്കൻ രാജ്യമായ ബ്രസീലിൽ പ്രസിഡൻറ്​ ജെയ്ർ ബൊൽസൊനാ രോയുടെ നാടകീയമായ നടപടികൾ തുടരുന്നു​. ഏറ്റവും ഒടുവിൽ സാമൂഹിക അകലം പാലിക്കാനും ജനങ്ങളോട്​ വീട്ടിലിരിക്കാനും ആ വശ്യപ്പെട്ട ആരോഗ്യമന്ത്രിയെ പുറത്താക്കിയിരിക്കുകയാണ്​ ബൊൽസൊനാരോ.

പുറത്താക്കിക്കൊണ്ടുള്ള ഉത്തരവ് ന ോട്ടീസ് ബൊൽസൊനാരോ തനിക്ക് കൈമാറിയതായി ആരോഗ്യമന്ത്രി ലൂയിസ് ഹ​െൻറിക് മാൻഡെറ്റ ട്വിറ്ററിലൂടെയാണ്​ അറിയിച്ചത് ​. കഴിഞ്ഞ രണ്ടാഴ്‌ചയായി ആരോഗ്യമന്ത്രിയും പ്രസിഡൻറും തമ്മിൽ അഭിപ്രായവ്യത്യാസങ്ങൾ ശക്തമായിരുന്നു.

ബ്രസീ ലിൽ കൊവിഡ് 19 വൈറസ്​ വ്യാപനം തടയാൻ ആളുകൾ വീടുകൾക്കുള്ളിൽ കഴിയണമെന്നും സാമൂഹിക അകലം പാലിക്കണമെന്നും പറഞ്ഞിരുന്നു ഡോക്ടർ കൂടിയായ ലൂയിസ്​ ഹ​െൻറിക്​ മാൻഡെറ്റ. ഇതിനെ ബൊൽസൊനാരോ പരസ്യമായി വിമർശിച്ചിരുന്നു. കോവിഡ് ഒരു ചെറിയ പനിയാണെന്ന് പറഞ്ഞ്​ നിസാരവത്​കരിക്കുകയും ചെയ്‌തിരുന്നു.

അതേസമയം, ആരോഗ്യമന്ത്രി ലോകാരോഗ്യ സംഘടന അനുശാസിക്കുന്ന നിയന്ത്രണങ്ങളും മുൻകരുതലുകളും സ്വീകരിക്കാൻ ജനങ്ങളോട് നിരന്തരം നിർദേശിക്കുകയാണുണ്ടായത്​. പ്രാദേശിക ഭരണകൂടങ്ങൾ ലോക്ഡൗൺ നടപ്പാക്കാൻ തീരുമാനിച്ചതിനെയും മാൻഡെറ്റ അഭിനന്ദിച്ചിരുന്നു. എന്നാൽ, ബൊൽസൊനാരോ ഇതിനെ നിശിതമായി വിമർശിക്കുകയാണുണ്ടായത്​.

എ​​െൻറ കൂടെ ആരോഗ്യ മന്ത്രാലയത്തിൽ പ്രവർത്തിച്ച എല്ലാവരോടും​ നന്ദി അറിയിക്കുന്നു. എനിക്ക്​ പകരക്കാരനായി ആരോഗ്യമന്ത്രിയാവുന്നയാൾക്ക്​ എല്ലാ ഭാവുകങ്ങളും നേരുന്നു. നമ്മുടെ രാജ്യത്തെ അനുഗ്രഹിക്കാൻ ദൈവത്തോട്​ പ്രാർഥിക്കുന്നുവെന്നും ലൂയിസ് ഹ​െൻറിക് മാൻഡെറ്റ ട്വീറ്റ്​ ചെയ്​തു.

മാൻഡെറ്റയെ പുറത്താക്കിയ വാർത്തയറിഞ്ഞ ബ്രസീലുകാർ വീടി​​െൻറ ബാൽക്കണികളിൽ നിന്നും പാത്രങ്ങൾ കൂട്ടിമുട്ടി പ്രതിഷേധിച്ചു. കോവിഡ്​ മഹാമാരിയുടെ പശ്ചാത്തലത്തിൽ പ്രസിഡൻറ്​ ബൊൽസൊനാരോയുടെ നടപടികൾക്കെതിരെ ബ്രസീലുകാർ പ്രതിഷേധിക്കുന്നത്​ ഇങ്ങനെയാണ്​.

കോവിഡ്​ കാലത്തെ മികച്ച പ്രവർത്തനങ്ങളിലൂടെ​ ജനകീയനായ മാൻഡെറ്റയുടെ അഭാവത്തിൽ രാജ്യം എങ്ങനെയാണ്​ ഇൗ മഹാമാരിയെ ഫലപ്രദമായി പ്രതിരോധിക്കുകയെന്ന കാര്യത്തിൽ ജനങ്ങൾ ആശങ്കാകുലരാണ്​. പുതുതായി റിപ്പോർട്ട്​ ചെയ്യപ്പെട്ട അഞ്ച്​ മരണങ്ങൾ അടക്കം ഇതുവരെ 1,952 പേരാണ്​ ബ്രസീലിൽ കോവിഡ്​ ബാധിച്ച്​ മരിച്ചത്​. 30,891 പേർക്ക്​ രാജ്യത്ത്​ രോഗം സ്ഥിരീകരിച്ചിട്ടുണ്ട്​.