പൗരത്വ ഭേദഗതി ബില്ലിനെതിരെ അമേരിക്കയിലും പ്രതിഷേധം
text_fieldsന്യൂയോർക്: പൗരത്വ ഭേദഗതി ബില്ലിനെതിരെ അമേരിക്കയിലെ ഇന്ത്യൻ സമൂഹവും പ്രതിഷേധവുമായി രംഗത്ത്.
ന്യൂയോർക് ഇന്ത്യൻ കോൺസുലേറ്റിന് മുമ്പിൽ ഇന്ത്യൻ ഓവർസീസ് കോൺഗ്രസ് യു.എസ്.എയുടെ ആഭിമുഖ്യത്തിൽ ‘ഭാരത് ബചാവോ’ എന്ന മുദ്രാവാക്യമുയർത്തി നടത്തിയ പ്രതിഷേധ ധർണയിൽ കെ.എം.സി.സി അടക്കമുള്ള സംഘനകളുടെ പങ്കാളിത്തമുണ്ടായി. ‘മതേരര ഇന്ത്യയെ രക്ഷിക്കൂ, എൻ.ആർ.സി വേണ്ട, സി.എ.ബി വേണ്ട’ എന്നെഴുതിയ പ്ലക്കാർഡുകൾ പിടിച്ചുകൊണ്ടായിരുന്നു പ്രതിഷേധം.
പ്രധാനമന്ത്രി നരേന്ദ്ര േമാദിയും ആഭ്യന്തര മന്ത്രി അമിത് ഷായും മതേതര ഇന്ത്യയെ തകർക്കുകയാണെന്നും അത് അനുവദിക്കാനാകില്ലെന്നും ധർണയിൽ പങ്കെടുത്തവർ ചൂണ്ടിക്കാട്ടി. ഇരുവരും ഹിറ്റ്ലറിനെ പോലെയാണ് പ്രവർത്തിക്കുന്നതെന്നും ഇന്ത്യക്കാർക്കായി തടവറകൾ പണിയുകയാണെന്നും അവർ ആരോപിച്ചു. കെ.എം.സി.സി നേതാവ് ഷെമി അടിമാലി അടക്കമുള്ളവർ സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.