ബോംബ് ഭീഷണി; മുംബൈ-നെവാർക് വിമാനം ലണ്ടനിൽ ഇറക്കി

ന്യൂഡൽഹി: ബോംബ് ഭീഷണിയെ തുടർന്ന് മുംബൈയിൽനിന്ന് അമേരിക്കയിലേക്കുള്ള എയർ ഇന്ത്യ വിമാനത്തിന് ലണ്ടനിൽ അടിയന്ത ിരമായി ഇറക്കിയത്​. മുംബൈയിൽനിന്ന് ന്യൂജഴ്സിയിലെ നെവാർക് എയർപോർട്ടിലേക്കുള്ള വിമാനമാണ് ലണ്ടനിലെ സ്റ്റാൻസ്റ്റെഡ് എയർപോർട്ടിൽ അടിയന്തിരമായി ഇറക്കിയത്.

മുംബൈയിൽനിന്ന് നെവാർക് ലിബർട്ടി ഇന്‍റർനാഷനൽ എയർപോർട്ടിലേക്ക് വ്യാഴാഴ്ച രാവിലെ പുറപ്പെട്ടതാണ് വിമാനം. ബോംബ് ഭീഷണിയെ തുടർന്ന് ലണ്ടൻ എയർപോർട്ടിൽ ഇറക്കിയ വിമാനം ആളൊഴിഞ്ഞ മേഖലയിലേക്ക് മാറ്റിയതായി അധികൃതർ അറിയിച്ചു. അടിയന്തിര ലാൻഡിങ്ങിനായി താൽക്കാലികമായി അടച്ച റൺവേ വീണ്ടും തുറന്നു.

ഇത് സംബന്ധിച്ച കൂടുതൽ വിവരങ്ങൾ പിന്നീട് വിശദമാക്കുമെന്ന് എയർ ഇന്ത്യ അധികൃതർ അറിയിച്ചു.