Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightലംബോർഗിനി വാങ്ങണം,...

ലംബോർഗിനി വാങ്ങണം, കീശയിൽ മൂന്ന്​ ഡോളർ; ഡ്രൈവറെ കണ്ട പൊലീസ്​ ഞെട്ടി !!

text_fields
bookmark_border
5-year-old-driver.jpg
cancel

കാലിഫോർണിയ: യു.എസിലെ യൂട്ട ഹൈവേയിലൂടെ മണിക്കൂറിൽ 30 മൈൽ വേഗതയിൽ നീങ്ങുന്ന കാറിന്​ എന്തോ​ പന്തികേട്​ തോന്നിയാണ്​ യൂട്ട ഹൈവേ പട്രോളിങ്​ സംഘം നിർത്താനാവശ്യപ്പെട്ടത്​. കാറിനു പുറത്തു നിന്ന്​ അകത്തേക്ക്​ നോക്കി ഡ്രൈവറെ കാണാൻ നന്നേ പാട​ുപെട്ട​ു. ഡോർ ത​ുറന്നു നോക്കിയപ്പോൾ ഡ്രൈവിങ്​ സീറ്റിലിരിക്കുന്നു ‘ഇത്തിരിക്കുഞ്ഞൻ ഡ്രൈവർ’ സീറ്റിന്​ മുന്നിലേക്കിരുന്ന്​ പാട​ുപെട്ട്​ ബ്രേക്ക്​ ചവിട്ടി ഇരിക്കുന്നതാണ്​ കണ്ടത്​. 

ആദ്യം ഏ​തോ ഭിന്നശേഷിക്കാരനാ​െണന്നാണ്​ പൊലീസ്​ കരുതിയത്​. അവനോട്​ സംസാരിച്ചപ്പോഴാണ്​ അതൊരു കൊച്ചുകുട്ടിയാണെന്ന്​ മനസ്സിലായത്​. അവ​​​െൻറ പ്രായമറിഞ്ഞ പൊലീസ്​ സംഘം അക്ഷരാർഥത്തിൽ മൂക്കത്ത്​ വിരൽ വെച്ചു. അഞ്ച്​ വയസ്​ മാത്രമായിരുന്നു പ്രായം. അമ്മയോട്​ വഴക്കുണ്ടാക്കി വരുന്ന വഴിയാണ്​. കാര്യം ചോദിച്ചപ്പോൾ ഞെട്ടിച്ചുകൊണ്ട്​ ഒട്ടും കൂസലില്ലാത്ത മറുപടി. ഒരു ലംബോർഗിനി കാറ്​ വാങ്ങണം. അതിനായി കാലി​േഫാർണിയയിലേക്ക്​ പോവുകയാണ്​. കീശയിലുള്ള മൂന്ന്​ ഡോളർ ഉയർത്തിക്കാട്ടി അവൻ പറഞ്ഞു. 

അത്യാഢംഭര വാഹനമായ ലംബോർഗിനി വാങ്ങണമെന്ന സ്വപ്​നത്തിലാണ്​ അവൻ അമ്മയുമായി വഴക്കിട്ടത്​. സഹോദരിയെ നോക്കാനേൽപ്പിച്ച്​ ​അമ്മ ജോലിയിലേർപ്പെട്ടിരിക്കുകയായിരുന്നു. ത​​​െൻറ ആഗ്രഹത്തിന്​ അമ്മ വഴങ്ങില്ലെന്ന്​ കണ്ടതോടെ വീട്ടിലെ കാറി​​​​െൻറ താക്കോലെടുത്ത്​ സഹോദരിയുടെ കണ്ണുവെട്ടിച്ച്​ ആരും കാണാതെ കാർ വാങ്ങാൻ സ്വയം ഇറങ്ങിത്തിരിക്കുകയായിരുന്നു. കുട്ടിയെ പൊലീസ്​ രക്ഷിതാക്കളെ ഏൽപിച്ചു.

അഞ്ചു വയസുകാരൻ ഹൈവേയിലൂടെ കാറോടിച്ചുവെന്നത്​ ഞെട്ടിപ്പിക്കുന്നതാണെന്ന്​ ഹൈവേ പട്രോൾ വക്താവ്​ നിക്​ സ്​ട്രീറ്റ്​ പറഞ്ഞു. സംഭവത്തിൽ രക്ഷിതാക്കൾക്കെതിരെ കേസെടുക്കാൻ സാധ്യതയുണ്ടെന്ന് പൊലീസ്​ വ്യക്തമാക്കി.​ 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:world newsLamborghinimalayalam newsfive Year Old driver
News Summary - 5 Year-Old Lamborghini Fan Steals Parent's SUV To Buy A Lamborghini -world news
Next Story