മെക്സികോയിൽ ഭരണകക്ഷി പാര്‍ട്ടി മേധാവി രാജിവെച്ചു

മെക്സികോ സിറ്റി: മെക്സികോയില്‍ അധികാരത്തിലുള്ള റെവലൂഷനറി പാര്‍ട്ടിയുടെ (പി.ആര്‍.ഐ) മേധാവി മാന്‍ലിയോ ഫാബിയോ ബെല്‍ട്രോണെസ് രാജിവെച്ചു. ഈ മാസം നടന്ന തെരഞ്ഞെടുപ്പിലേറ്റ കനത്ത തിരിച്ചടിയെ തുടര്‍ന്നാണ് രാജി.  12 ഗവര്‍ണേഴ്സ് സീറ്റില്‍ നടന്ന തെരഞ്ഞെടുപ്പില്‍ അഞ്ചു സീറ്റുകളില്‍ മാത്രമാണ് പി.ആര്‍.ഐ പാര്‍ട്ടി ജയിച്ചത്. ദശകങ്ങളായി ജയിച്ചുപോന്ന നാലു സീറ്റുകളുടെയും ആധിപത്യം പാര്‍ട്ടിക്ക് നഷ്ടമായി. കോണ്‍ഗ്രസിന്‍െറ അധോസഭയുടെയും സെനറ്റിന്‍െറയും മേധാവിയായിരുന്നു ബെല്‍ട്രോണെസ്.