ഹിലരിയുടെ കൂടുതല്‍ ഇ-മെയിലുകള്‍ പുറത്തുവിട്ടു

വാഷിങ്ടണ്‍: ഡെമോക്രാറ്റിക് പ്രസിഡന്‍റ് സ്ഥാനാര്‍ഥി ഹിലരി ക്ളിന്‍റണ്‍ യു.എസ് സ്റ്റേറ്റ് സെക്രട്ടറിയായിരിക്കെ അയച്ച 500ലധികം ഇ-മെയിലുകള്‍ സ്റ്റേറ്റ് ഡിപ്പാര്‍ട്മെന്‍റ് പുറത്തുവിട്ടു. രഹസ്യവിഭാഗത്തില്‍ പെടാത്ത ഇ-മെയിലുകളാണ് പുറത്തുവിട്ടവയിലെല്ലാം. ഇതുവരെ 46,946 ഇ-മെയിലുകളാണ് പുറത്തുവിട്ടത്. ഫെബ്രവുരി 29നകം രഹസ്യവിഭാഗത്തില്‍ ഉള്‍പ്പെട്ടിട്ടില്ലാത്ത മുഴുവന്‍ ഇ-മെയിലുകളും പുറത്തുവിടും. സ്റ്റേറ്റ് സെക്രട്ടറിയായിരിക്കെ സ്വകാര്യ സര്‍വറില്‍നിന്ന് ഇ-മെയിലുകളയച്ച ഹിലരിയുടെ നടപടി വിവാദങ്ങള്‍ക്ക് കാരണമായിരുന്നു.