ഭാര്യയെ കൊലപ്പെടുത്തി ചിത്രം ഫേസ്ബുക്കിലിട്ട പ്രതി കുറ്റക്കാരനെന്ന് കോടതി

മിയാമി: ഭാര്യയെ കൊലപ്പെടുത്തി ചിത്രം ഫേസ്ബുക്കില്‍ പോസ്റ്റ ചെയ്ത കേസില്‍ അറസ്റ്റിലായിരുന്ന ഭര്‍ത്താവ് കുറ്റക്കാരനെന്ന് കോടതി. 2013 ആഗസ്റ്റിലാണ് കേസിനാസ്പദമായ സംഭവം നടന്നത്. ഫ്ളോറിഡയിലെ ഡെറക് മെഡിനയാണ് ഭാര്യ ജന്നിഫര്‍ അല്‍ഫോന്‍സോയെ മിയാമിയുള്ള വീട്ടില്‍ വെടിവെച്ച് കൊലപ്പെടുത്തിയത്.

കൊലപാതകത്തിന് ശേഷം ഇയാള്‍ രക്തത്തില്‍ കുളിച്ചുകിടക്കുന്ന ഭാര്യയുടെ ചിത്രം മൊബൈലില്‍ പകര്‍ത്തി ഫേസ്ബുക്കില്‍ പോസ്റ്റ് ചെയ്തിരുന്നു. താന്‍ ഉടന്‍ ജയിലില്‍ പോകുമെന്നും വര്‍ഷങ്ങളായി തുടരുന്ന ശാരീരിക പീഡനമാണ് കൊലപാതകത്തിലത്തെിയതെന്നും ഇയാള്‍ ഫേസ്ബുക്കില്‍ കുറിച്ചിരുന്നു. ഭാര്യ കത്തിചൂണ്ടി തന്നെ ഭീഷണിപ്പെടുത്തിയപ്പോഴാണ് വെടിവെച്ചതെന്ന് ഇയാള്‍ കോടതിയില്‍ പറഞ്ഞു.