കമ്പ്യൂട്ടർ പ്രവർത്തിപ്പിക്കാൻ ഇനി ആംഗ്യം മതി

വാഷിങ്ടൺ: കൈ ഒന്ന് ചലിപ്പിച്ചാൽ കമ്പ്യൂട്ടറും മൊബൈൽ ഫോണും പ്രവർത്തിക്കുന്നകാലം വിദൂരമല്ല. ആംഗ്യംകൊണ്ട് കമ്പ്യൂട്ടറുകളെ പ്രവർത്തനക്ഷമമാക്കുന്ന വിദ്യ യു.എസിലെ അപോറ്റാക്ട് ലാബിലാണ് വികസിപ്പിച്ചെടുത്തത്. നാലു വിരലുകളിലും ചേർത്ത് ധരിക്കാവുന്ന ജെസ്റ്റ് എന്ന കൈയുറ ഉപയോഗിച്ചാണ് കമ്പ്യൂട്ടർ പ്രവർത്തിപ്പിക്കുന്നത്.

ആംഗ്യ നിയന്ത്രണസംവിധാനവും സോഫ്റ്റ്വെയർ ഡെവലപ്മെൻറ് കിറ്റും അടങ്ങുന്നതാണ് ജെസ്റ്റ്. സ്മാർട്ട്ഫോണിൽ കാണുന്നവിധത്തിലുള്ള ആക്സിലറോമീറ്റർ, ഗൈറോസ്കോപ്, മാഗ്നറ്റോമീറ്റർ എന്നിവ ഓരോ വിരലുകളിലുമുണ്ടാകും. ഇതിലെ സെൻസറുകൾ ഉപയോഗിച്ചാണ് കമ്പ്യൂട്ടറുകൾ പ്രവർത്തിക്കുക.