123 രാ​ജ്യ​ങ്ങ​ൾ നി​രോ​ധി​ച്ച ക്ല​സ്റ്റ​ർ ബോം​ബു​ക​ൾ യു​ക്രെ​യ്ന് ന​ൽ​കാനൊരുങ്ങി അ​മേ​രി​ക്ക

വാ​ഷി​ങ്ട​ൺ: റ​ഷ്യ​ൻ അ​ധി​നി​വേ​ശ​ത്തി​നെ​തി​രാ​യ പ്ര​ത്യാ​ക്ര​മ​ണ​ത്തി​ന് യു​ക്രെ​യ്ന് ക​രു​ത്തു​പ​ക​രാ​ൻ ക്ല​സ്റ്റ​ർ ബോം​ബു​ക​ൾ ന​ൽ​കു​മെ​ന്ന് അ​മേ​രി​ക്ക. ദേ​ശീ​യ സു​ര​ക്ഷാ ഉ​പ​ദേ​ശ​ക​ൻ ജെ​യ്ക് സ​ള്ളി​വ​ൻ ആ​ണ് ഇ​ക്കാ​ര്യം സ്ഥി​രീ​ക​രി​ച്ച​ത്. അ​മേ​രി​ക്ക​യു​ടെ മു​ഖ്യ സ​ഖ്യ​ക​ക്ഷി​ക​ൾ ഉ​ൾ​പ്പെ​ടെ 123 രാ​ജ്യ​ങ്ങ​ൾ നി​രോ​ധി​ച്ച ക്ല​സ്റ്റ​ർ ബോം​ബു​ക​ൾ യു​ക്രെ​യ്ന് ന​ൽ​ക​ണോ എ​ന്ന കാ​ര്യ​ത്തി​ൽ മാ​സ​ങ്ങ​ൾ നീ​ണ്ട അ​നി​ശ്ചി​ത​ത്വ​ത്തി​ന് വി​രാ​മ​മി​ട്ടാ​ണ് തീ​രു​മാ​ന​മെ​ടു​ത്ത​ത്.

ഏ​റെ പ്ര​യാ​സ​ക​ര​മാ​യ തീ​രു​മാ​ന​മാ​ണ് ഇ​തെ​ന്ന് ജെ​യ്ക് സ​ള്ളി​വ​ൻ പ​റ​ഞ്ഞു. സ​ഖ്യ​ക​ക്ഷി​ക​ളു​മാ​യും പ​ങ്കാ​ളി​ക​ളു​മാ​യും കൂ​ടി​യാ​ലോ​ചി​ച്ചാ​ണ് പ്ര​സി​ഡ​ന്റ് ​ജോ ​ബൈ​ഡ​ൻ നി​ർ​ണാ​യ​ക​മാ​യ തീ​രു​മാ​ന​മെ​ടു​ത്ത​ത്. പൊ​ട്ടാ​ത്ത ബോം​ബു​ക​ൾ മ​നു​ഷ്യ​ജീ​വ​ന് ഭീ​ഷ​ണി​യാ​യ​തി​നാ​ലാ​ണ് തീ​രു​മാ​നം പ​ര​മാ​വ​ധി വൈ​കി​ച്ച​ത്. സം​ഘ​ർ​ഷ കാ​ല​ത്ത് യു​ക്രെ​യ്നെ നി​സ്സ​ഹാ​യാ​വ​സ്ഥ​യി​ൽ ഉ​പേ​ക്ഷി​ക്കി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

കൂ​ടു​ത​ൽ ശ​ക്ത​മാ​യ ആ​യു​ധ​ങ്ങ​ൾ ന​ൽ​ക​ണ​മെ​ന്ന യു​ക്രെ​യ്​​ന്റെ അ​ഭ്യ​ർ​ഥ​ന പ​രി​ഗ​ണി​ച്ച് പേ​ട്രി​യ​റ്റ് മി​സൈ​ൽ, ആ​ധു​നി​ക ടാ​ങ്കു​ക​ൾ എ​ന്നി​വ ഉ​ൾ​പ്പെ​ടെ ന​ൽ​കാ​ൻ നേ​ര​ത്തെ തീ​രു​മാ​ന​മെ​ടു​ത്തി​രു​ന്നു. യു​ക്രെ​യ്ന് ക്ല​സ്റ്റ​ർ ബോം​ബു​ക​ൾ ന​ൽ​കാ​നു​ള്ള തീ​രു​മാ​നം പ്ര​യാ​സ​ക​ര​മാ​ണെ​ന്ന് സി.​എ​ൻ.​എ​ന്നി​ന് ന​ൽ​കി​യ അ​ഭി​മു​ഖ​ത്തി​ൽ ബൈ​ഡ​ൻ പ​റ​ഞ്ഞു. റ​ഷ്യ​ക്കെ​തി​രാ​യ പ്ര​ത്യാ​ക്ര​മ​ണ​ത്തി​ന് യു​ക്രെ​യ്ന് കൂ​ടു​ത​ൽ ശ​ക്ത​മാ​യ ആ​യു​ധ​ങ്ങ​ൾ വേ​ണ​മെ​ന്ന് ബോ​ധ്യ​പ്പെ​ട്ട​തി​നാ​ലാ​ണ് തീ​രു​മാ​ന​മെ​ടു​ത്ത​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

മ​നു​ഷ്യാ​വ​കാ​ശ സം​ഘ​ട​ന​ക​ളും യു.​എ​ൻ സെ​ക്ര​ട്ട​റി ജ​ന​റ​ലും അ​മേ​രി​ക്ക​യു​ടെ തീ​രു​മാ​ന​ത്തെ ചോ​ദ്യം ചെ​യ്തു. പ്ര​ത്യാ​ക്ര​മ​ണ​ത്തി​ന് അ​നു​യോ​ജ്യ​മാ​യ വി​ധം നി​ശ്ചി​ത സ​മ​യ​പ​രി​ധി​യി​ൽ ക്ല​സ്റ്റ​ർ ബോം​ബു​ക​ൾ ന​ൽ​കു​മെ​ന്ന് പെ​ന്റ​ഗ​ൺ ഉ​ദ്യോ​ഗ​സ്ഥ​ൻ പ​റ​ഞ്ഞു.

എ​ന്താ​ണ് ക്ല​സ്റ്റ​ർ ബോം​ബ്

നി​ര​വ​ധി ​ചെ​റു​ബോം​ബു​ക​ൾ അ​ട​ങ്ങി​യ​താ​ണ് ക്ല​സ്റ്റ​ർ ബോം​ബ്. ക​ര​യി​ൽ​നി​​ന്നോ ആ​കാ​ശ​ത്തു​നി​ന്നോ പ്ര​​യോ​ഗി​ക്കു​ന്ന ക്ല​സ്റ്റ​ർ ബോം​ബ് പാ​തി​വ​ഴി​യി​ൽ​വെ​ച്ച് പൊ​ട്ടു​ക​യും ഉ​ള്ളി​ലു​ള്ള ചെ​റു​ബോ​ബു​ക​ൾ ചി​ത​റി​ത്തെ​റി​ക്കു​ക​യും ചെ​യ്യും. വ​ലി​യൊ​രു പ്ര​ദേ​ശ​ത്ത് വ്യാ​പ​ക​മാ​യി നാ​ശം വി​ത​ക്കാ​ൻ ക​ഴി​യു​ന്ന​താ​ണ് ഈ ​ബോം​ബ്. ബോം​ബു​ക​ൾ ചി​ത​റി വീ​ഴു​ന്ന പ്ര​ദേ​ശ​ത്തു​ള്ള മ​നു​ഷ്യ​രെ കൊ​ല്ലു​ക​യും വാ​ഹ​ന​ങ്ങ​ൾ ന​ശി​പ്പി​ക്കു​ക​യും ചെ​യ്യും. ഒ​രു ഷെ​ല്ലി​ന​ക​ത്ത് 2000ഓ​ളം ചെ​റു​ബോം​ബു​ക​ൾ ഉ​ണ്ടാ​കും.

ആ​ക്ര​മ​ണ​സ​മ​യ​ത്തും പി​ന്നീ​ട് വ​ർ​ഷ​ങ്ങ​ളോ​ള​വും മ​നു​ഷ്യ​ർ​ക്ക് ക​ടു​ത്ത ഭീ​ഷ​ണി സൃ​ഷ്ടി​ക്കു​ന്ന​താ​ണ് ക്ല​സ്റ്റ​ർ ബോം​ബ്. പൊ​ട്ടാ​തെ അ​​വ​ശേ​ഷി​ക്കു​ന്ന ബോം​ബു​ക​ൾ പി​ന്നീ​ടെ​പ്പോ​ഴെ​ങ്കി​ലും പൊ​ട്ടി​ത്തെ​റി​ക്കാ​ൻ സാ​ധ്യ​ത​യേ​റെ​യാ​ണ്. ഈ ​ബോം​ബു​ക​ൾ ക​ണ്ടെ​ത്തി നി​ർ​വീ​ര്യ​മാ​ക്കു​ക​യെ​ന്ന​ത് ചെ​ല​വേ​റി​യ പ്ര​ക്രി​യ​യാ​ണ്. ഒ​രു ത​വ​ണ ആ​ക്ര​മ​ണം ന​ട​ത്തു​മ്പോ​ൾ ര​ണ്ട് മു​ത​ൽ 40 ശ​ത​മാ​നം വ​രെ ബോം​ബു​ക​ൾ പൊ​ട്ടാ​തെ അ​വ​ശേ​ഷി​ക്കു​മെ​ന്നാ​ണ് ക​ണ​ക്കാ​ക്കു​ന്ന​ത്. ക്ല​സ്റ്റ​ർ ബോം​ബു​ക​ൾ നി​ർ​മി​ക്കു​ന്ന​തും ശേ​ഖ​രി​ക്കു​ന്ന​തും ഉ​പ​യോ​ഗി​ക്കു​ന്ന​തും കൈ​മാ​റ്റം ചെ​യ്യു​ന്ന​തും വി​ല​ക്കു​ന്ന ഉ​ട​മ്പ​ടി​യി​ൽ അ​മേ​രി​ക്ക​യും യു​ക്രെ​യ്നും റ​ഷ്യ​യും ഒ​പ്പു​വെ​ച്ചി​ട്ടി​ല്ല. 2008ൽ ​അ​യ​ർ​ല​ൻ​ഡി​ലെ ഡ​ബ്ലി​നി​ൽ അം​ഗീ​ക​രി​ച്ച ഉ​ട​മ്പ​ടി​യി​ൽ 123 രാ​ജ്യ​ങ്ങ​ൾ ഒ​പ്പു​വെ​ച്ചി​ട്ടു​ണ്ട്.