അൽജീരിയ ഫ്രഞ്ച്​ നയതന്ത്രപ്രതിനിധിയെ തിരിച്ചുവിളിച്ചു

അൽജിയേഴ്​സ്​: ആഭ്യന്തര കാര്യങ്ങളിൽ ഫ്രഞ്ച്​ പ്രസിഡൻറ്​ ഇമ്മാനുവൽ മാക്രോൺ ഇടപെട്ടുവെന്നാരോപിച്ച്​ അൽജീരിയ ഫ്രഞ്ച്​ അംബാസഡറെ തിരിച്ചുവിളിച്ചു. ഫ്രഞ്ച്​ സൈനിക വിമാനങ്ങൾ പ്രവേശിക്കുന്നത്​ തടയാൻ വ്യോമമേഖലയും അൽജീരിയ അടച്ചിരുന്നു.

ഫ്രഞ്ച്​ വിമാനങ്ങൾ അൽജീരിയൻ ആകാശത്തിലൂടെയാണ്​ സാധാരണ സഞ്ചരിക്കാറുള്ളത്​. അൽജീരിയ, മൊറോക്കോ, തുനീഷ്യ എന്നീ രാജ്യങ്ങളിലെ പൗരന്മാർക്ക്​ അനുവദിച്ചിരുന്ന വിസ വെട്ടിക്കുറച്ചതിനു പിന്നാലെയാണ്​ നടപടി. കഴിഞ്ഞാഴ്​ച അൽജീരിയൻ വംശജരുമായി നടത്തിയ കൂടിക്കാഴ്​ചയിൽ അവിടത്തെ ഭരണത്തെ വിമർശിച്ച്​ മാക്രോൺ സംസാരിച്ചിരുന്നു.

രാഷ്​ട്രീയ-സൈനിക സംവിധാനമാണ്​ അൽജീരിയയിൽ നിലവിലുള്ളതെന്നും ആ രാജ്യ​ത്തി​െൻറ ഔദ്യോഗിക ചരിത്രം തിരുത്തിയെഴുതണമെന്നും രേഖപ്പെടുത്തിയ പലതും സത്യമല്ലെന്നുമായിരുന്നു പ്രസിഡൻറി​െൻറ വാക്കുകളെന്ന്​ ഫ്രഞ്ച്​ പത്രങ്ങൾ റിപ്പോർട്ട്​ ചെയ്​തു.