ബന്ദികളെ കൈമാറാനെത്തിയത് കാറുകളിൽ ആയുധങ്ങളേന്തിയ അൽ ഖസ്സാം ബ്രിഗേഡ്; ആഹ്ലാദപ്രകടനവുമായി ഫലസ്തീനികൾ

ഗസ്സ സിറ്റി: വെടിനിർത്തൽ - ബന്ദി കൈമാറ്റ കരാർ പ്രകാരം മൂന്ന് വനിതകളെ കൈമാറാനെത്തിയത് ഹ​മാ​സി​ന്‍റെ സാ​യു​ധ​വി​ഭാ​ഗ​മാ​യ അൽ ഖ​സ്സാം ബ്രി​ഗേ​ഡ് അംഗങ്ങൾ. ബന്ദി കൈമാറ്റം നടക്കുന്ന സെൻട്രൽ ഗസ്സ സിറ്റിയിലെ സരായ സ്‌ക്വയറിൽ തടിച്ചുകൂടിയ ഫലസ്തീനികളുടെ ഇടയിലേക്ക് കാറുകളിൽ ആയുധങ്ങളേന്തിയാണ് അൽ ഖസ്സാം ബ്രിഗേഡ് അംഗങ്ങൾ എത്തിയത്.

#Hamas hands 3 #hostages to Red Cross in #Gaza
القسام تفرج عن #اسيرات اسرائيليات #رهائن pic.twitter.com/EvMBZs9nwK

— Rita khoury (@ritakhoury10) January 19, 2025

നൂറുകണക്കിന് ഗസ്സക്കാർ ബന്ദികളുമായെത്തിയ വാഹനങ്ങൾക്ക് ചുറ്റുംകൂടി. കാറിൽനിന്ന് മൂന്ന് വനിത ബന്ദികൾ പുറത്തിറങ്ങി അന്താരാഷ്ട്ര റെഡ് ക്രോസ് കമ്മിറ്റിയുടെ വാഹനത്തിൽ കയറി. യുവതികൾ പൂർണ ആരോഗ്യവതികളാണെന്ന് റെഡ് ക്രോസ് ഉറപ്പുവരുത്തി. ബ​ന്ദി​ക​ളാ​യ ഡോ​റ​ൺ സ്റ്റെ​യി​ൻ ബ്ര​ച്ച​ർ (31), ബ്രി​ട്ടീ​ഷ്-​ഇ​സ്രാ​യേ​ലി പൗ​ര​ത്വ​മു​ള്ള എ​മി​ലി ദ​മാ​രി (28), റോ​മി ഗോ​നെ​ൻ (24) എ​ന്നി​വ​രെ​യാ​ണ് ഹ​മാ​സ് മോ​ചി​പ്പി​ച്ച​ത്.

Hamas' Al-Qassam brigades fighters on their way to Gaza City's Saraya Square to hand over the three hostages, a short while ago. pic.twitter.com/1Tyk7F7hsx

— Ariel Oseran (@ariel_oseran) January 19, 2025

തുടർന്ന്, ബന്ദികളാക്കിയിരുന്ന മൂന്ന് സ്ത്രീകളെ റെഡ് ക്രോസിന് ഔദ്യോഗികമായി കൈമാറിയതായി ഹമാസ് പ്രതിനിധി വാർത്ത ഏജൻസിയായ എ.എഫ്‌.പിയോട് പറഞ്ഞു.

ഫലസ്തീൻ മാധ്യമങ്ങളടക്കം മേഖലയിലെ വിവിധ ടെലിവിഷൻ ചാനലുകൾ ഇതിന്‍റെ ദൃശ്യങ്ങൾ സംപ്രേക്ഷണം ചെയ്തു. എക്സിലൂടെയും ഇതിന്‍റെ ദൃശ്യങ്ങൾ പുറത്തുവന്നു. മുമ്പ് ഇസ്രയേലി തടവുകാരെ മോചിപ്പിച്ചപ്പോൾ ബന്ദി കൈമാറ്റ ദൃശ്യങ്ങൾ ഹമാസ് ഔദ്യോഗികമായി പുറത്തുവിട്ടിരുന്നു.

പ​ക​ര​മാ​യി 90 പേ​രെ ഇ​സ്രാ​യേ​ൽ മോ​ചി​പ്പി​ക്കും. പോ​​പു​​ല​​ർ ഫ്ര​​ണ്ട് ഫോ​​ർ ദി ​​ലി​​ബ​​റേ​​ഷ​​ൻ ഓ​​ഫ് ഫ​​ല​​സ്തീ​​ൻ (പി.​​എ​​ഫ്.​​എ​​ൽ.​​പി) നേ​​താ​​വ് ഖാ​​ലി​​ദ ജ​​റാ​​റും​ മോ​ചി​പ്പി​ക്ക​പ്പെടുന്നവരുടെ പട്ടികയിലുണ്ട്. ​വി​ട്ട​യ​ക്കുന്നവരിൽ 69 പേ​ർ സ്ത്രീ​ക​ളും 21 പേ​ർ കു​ട്ടി​ക​ളു​മാ​ണ്. ഇ​തി​ൽ 12 പേ​ർ 19 വ​യ​സ്സി​ന് താ​ഴെ​യു​ള്ള​വ​രാ​ണ്.