ഇസ്രായേൽ ആക്രമണത്തിൽ അൽജസീറ എൻജിനീയർക്ക് നഷ്ടമായത് 19 കുടുംബാംഗങ്ങ​ളെ

ജറൂസലം: അൽജസീറ ഗസ്സ ബ്യൂറോയിലെ ​ബ്രോഡ്കാസ്റ്റ് എൻജിനീയറാണ് മുഹമ്മദ് അബു അൽ ഖുസ്മാൻ. കഴിഞ്ഞ ദിവസം ജബലിയ അഭയാർഥി ക്യാമ്പിൽ ഇസ്രായേൽ നടത്തിയ ആക്രമണത്തിൽ അദ്ദേഹത്തിന് നഷ്ടമായത് പിതാവും സഹോദരനും രണ്ട് സഹോദരിമാരുമടക്കമുള്ള 19 കുടുബാംഗങ്ങളെയാണ്. ഗസ്സയിലെ അഭയാർഥി ക്യാമ്പിൽ നടന്നത് കൂട്ടക്കൊലയാണ് എന്നാണ് അൽജസീറ വിശേഷിപ്പിച്ചത്. ഒരിക്കലും മറക്കാൻ കഴിയാത്ത ആക്രമണമാണിതെന്നും അൽജസീറ അറിയിച്ചു.

വ​ട​ക്ക​ൻ ഗ​സ്സ​യി​ൽ ജ​ബ​ലി​യ ക്യാ​മ്പി​ലെ ആ​​ശു​പ​ത്രി​ക്കു സ​മീ​പ​ത്തെ അ​പ്പാ​ർ​ട്മെ​ന്റു​ക​ൾ​ക്കു മേ​ലാ​ണ് ചൊ​വ്വാ​ഴ്ച വൈ​കീ​ട്ട് ഒ​രു ട​ൺ വീ​ത​മു​ള്ള ആ​റ് യു.​എ​സ് നി​ർ​മി​ത ബോം​ബു​ക​ൾ വ​ർ​ഷി​ച്ച​ത്. മ​ര​ണം നാ​നൂ​റി​ലേ​റെ​യാ​ണെ​ന്ന് ഖു​ദ്സ് ന്യൂ​സ് നെ​റ്റ്‍വ​ർ​ക് പ​റ​യു​ന്നു.

ഇ​തി​നി​ടെ, വ്യോ​മാ​ക്ര​മ​ണ​ത്തി​ലൂ​ടെ എ​ല്ലാം ത​ക​ർ​ത്തു​ക​ള​ഞ്ഞ ഗ​സ്സ​യു​ടെ ഉ​ൾ​മേ​ഖ​ല​യി​ലേ​ക്ക് ക​ട​ന്നു​ക​യ​റി​ത്തു​ട​ങ്ങി ഇ​സ്രാ​യേ​ൽ സേ​ന (ഐ.​ഡി.​എ​ഫ്). ടാ​ങ്കു​ക​ളും സാ​യു​ധ ബു​ൾ​ഡോ​സ​റു​ക​ളു​മ​ട​ങ്ങു​ന്ന ​ഐ.​ഡി.​എ​ഫ് സം​ഘം, ത​ക​ർ​ന്ന​ടി​ഞ്ഞ ഗ​സ്സ തെ​രു​വു​ക​ളി​ലൂ​ടെ നീ​ങ്ങു​ന്ന ദൃ​ശ്യ​ങ്ങ​ൾ പു​റ​ത്തു​വ​ന്നു. ഗ​സ്സ സി​റ്റി​യി​ലേ​ക്കാ​ണ് നീ​ക്കം. എ​ന്നാ​ൽ, ചി​ല​യി​ട​ങ്ങ​ളി​ൽ ഇ​സ്രാ​യേ​ൽ സേ​ന​യെ അ​ധി​നി​വേ​ശ​വി​രു​ദ്ധ പോ​രാ​ളി​ക​ൾ നേ​രി​ട്ട​താ​യും സൈ​നി​ക​രെ​യും ടാ​ങ്കു​ക​ളെ​യും ഇ​ല്ലാ​താ​ക്കി​യെ​ന്നും ഹ​മാ​സ് അ​വ​കാ​ശ​പ്പെ​ട്ടു.

വ​ട​ക്ക​ൻ ഗ​സ്സ​യി​ലെ ബെ​യ്ത് ലാ​ഹി​യ ക​ഴി​ഞ്ഞ് ഗ​സ്സ സി​റ്റി​യി​ലാ​ണ് ഇ​സ്രാ​യേ​ൽ സേ​ന​യി​പ്പോ​ൾ ഉ​ള്ള​തെ​ന്ന് അ​ൽ​ജ​സീ​റ റി​പ്പോ​ർ​ട്ട് ചെ​യ്തു. പോ​രാ​ളി​ക​ളും ഐ.​ഡി.​എ​ഫും ത​മ്മി​ൽ ക​ന​ത്ത ഏ​റ്റു​മു​ട്ട​ൽ ന​ട​ന്ന​താ​യും റി​പ്പോ​ർ​ട്ടി​ൽ പ​റ​യു​ന്നു.ഗ​സ്സ​ക്കു​മേ​ൽ ഒ​ക്ടോ​ബ​ർ ഏ​ഴു മു​ത​ൽ നി​ർ​ബാ​ധം തു​ട​രു​ന്ന വ്യോ​മാ​ക്ര​മ​ണ​ത്തി​ൽ ചൊ​വ്വാ​ഴ്ച​യും ഒ​ട്ടേ​റെ പേ​ർ കൊ​ല്ല​പ്പെ​ട്ടു. 300 കേ​ന്ദ്ര​ങ്ങ​ൾ ആ​ക്ര​മി​ച്ച​താ​യി ഇ​സ്രാ​യേ​ൽ അ​വ​കാ​ശ​പ്പെ​ടു​ന്നു. 8625 ലേ​റെ ഫ​ല​സ്തീ​നി​ക​ൾ കൊ​ല്ല​പ്പെ​ട്ടു. ചൊ​വ്വാ​ഴ്ച മാ​ത്രം മ​ര​ണം 300 ക​വി​ഞ്ഞു.