എ.ഐ, ക്ലൗഡ് കംപ്യൂട്ടിങ് സേവനങ്ങൾ ഇസ്രായേലിന് വിറ്റിരുന്നു -സമ്മതിച്ച് മൈക്രോസോഫ്റ്റ്; ഗസ്സക്കാർക്കെതിരെ ഉപയോഗിച്ചതിന് തെളിവില്ലെന്ന്

വാ​ഷി​ങ്ട​ൺ: ഗ​സ്സ​യി​ൽ ആ​ക്ര​മ​ണം ന​ട​ത്തു​ന്ന സ​മ​യ​ത്ത് ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ്, ക്ലൗ​ഡ് ക​മ്പ്യൂ​ട്ടി​ങ് സേ​വ​ന​ങ്ങ​ൾ ഇ​സ്രാ​യേ​ലി​ന് വി​റ്റി​രു​ന്നെ​ന്ന് വെ​ളി​പ്പെ​ടു​ത്തി മൈ​ക്രോ​സോ​ഫ്റ്റ്. എ​ന്നാ​ൽ, ഈ ​സാ​​ങ്കേ​തി​ക വി​ദ്യ​ക​ൾ ഗ​സ്സ​യി​ലെ ആ​ളു​ക​ളെ ല​ക്ഷ്യ​മി​ടു​ന്ന​തി​നോ ഉ​പ​ദ്ര​വി​ക്കു​ന്ന​തി​നോ ഉ​പ​യോ​ഗി​ച്ച​താ​യി തെ​ളി​വു​ക​ളൊ​ന്നും ഇ​തു​വ​രെ ല​ഭി​ച്ചി​ട്ടി​ല്ലെ​ന്നും ക​മ്പ​നി അ​റി​യി​ച്ചു. മൈ​ക്രോ​സോ​ഫ്റ്റി​ന്‍റെ കോ​ർ​പ​റേ​റ്റ് വെ​ബ്സൈ​റ്റി​ലെ ബ്ലോ​ഗ് പോ​സ്റ്റി​ലാ​ണ് ഇ​ക്കാ​ര്യം പ​റ​യു​ന്ന​ത്. അ​സൂ​ർ ക്ലൗ​ഡ് സ്റ്റോ​റേ​ജും അ​സൂ​ർ എ.​ഐ സേ​വ​ന​ങ്ങ​ളു​മാ​ണ് ഇ​സ്രാ​യേ​ലി​ന് ന​ൽ​കി​യ​ത്.

ക​രാ​റു​ക​ൾ​ക്ക് പു​റ​ത്ത് സാ​​ങ്കേ​തി​ക വി​ദ്യ ഉ​പ​യോ​ഗി​ക്കാ​നു​ള്ള അ​നു​മ​തി​യും പ​രി​മി​ത​മാ​യ അ​ടി​യ​ന്ത​ര സ​ഹാ​യ​വും ന​ൽ​കി. ഇ​സ്രാ​യേ​ലി ബ​ന്ദി​ക​ളെ ക​ണ്ടെ​ത്താ​നും ര​ക്ഷ​പ്പെ​ടു​ത്താ​നു​മു​ള്ള ശ്ര​മ​ങ്ങ​ൾ​ക്കാ​യി​രു​ന്നു ഇ​വ ന​ൽ​കി​യ​തെ​ന്നും മൈ​ക്രോ​സോ​ഫ്റ്റ് പ​റ​ഞ്ഞു. ജീ​വ​ന​ക്കാ​രു​ടെ പ​രാ​തി​ക​ളു​ടെ​യും മാ​ധ്യ​മ റി​പ്പോ​ർ​ട്ടു​ക​ളു​ടെ​യും പ​ശ്ചാ​ത്ത​ല​ത്തി​ൽ പു​റ​ത്തു​ള്ള ഏ​ജ​ൻ​സി​യാ​ണ് ഇ​തു സം​ബ​ന്ധി​ച്ച് അ​ന്വേ​ഷ​ണം ന​ട​ത്തി​യ​തെ​ന്നും ക​മ്പ​നി വ്യ​ക്ത​മാ​ക്കി. എ​ന്നാ​ൽ, ഏ​ത് ഏ​ജ​ൻ​സി​യാ​ണ് അ​ന്വേ​ഷ​ണം ന​ട​ത്തി​യ​തെ​ന്നും ഏ​തൊ​ക്കെ കാ​ര്യ​ങ്ങ​ൾ​ക്ക് വേ​ണ്ടി​യാ​ണ് ഇ​സ്രാ​യേ​ൽ സൈ​ന്യം എ.​​ഐ സാ​​ങ്കേ​തി​ക വി​ദ്യ ഉ​പ​യോ​ഗി​ക്കു​ന്ന​തെ​ന്നും വി​ശ​ദീ​ക​രി​ക്കാ​ൻ മൈ​ക്രോ​സോ​ഫ്റ്റ് ത​യാ​റാ​യി​ല്ല.

ഗ​സ്സ​യി​ൽ കു​ഞ്ഞു​ങ്ങ​ള​ട​ക്കം പ​തി​നാ​യി​ര​ക്ക​ണ​ക്കി​ന് മ​നു​ഷ്യ​രെ കൊ​ന്നു​ത​ള്ളി​യ യു​ദ്ധ​ത്തി​ൽ മൈ​ക്രോ​സോ​ഫ്റ്റി​ന്‍റെ വ്യ​ക്ത​മാ​യ പ​ങ്കാ​ളി​ത്ത​ത്തെ​ക്കു​റി​ച്ച് ആ​ദ്യ​മാ​യാ​ണ് ക​മ്പ​നി തു​റ​ന്ന് സ​മ്മ​തി​ക്കു​ന്ന​ത്. അ​മേ​രി​ക്ക​ൻ ടെ​ക് ഭീ​മ​നാ​യ മൈ​ക്രോ​സോ​ഫ്റ്റി​ന് ഇ​സ്രാ​യേ​ലി പ്ര​തി​രോ​ധ മ​ന്ത്രാ​ല​യ​വു​മാ​യു​ള്ള അ​ടു​ത്ത പ​ങ്കാ​ളി​ത്ത​ത്തെ​ക്കു​റി​ച്ച് അ​സോ​സി​യേ​റ്റ​ഡ് പ്ര​സ് ന​ട​ത്തി​യ അ​ന്വേ​ഷ​ണ​ത്തി​ൽ പു​റ​ത്തു​വ​ന്നി​രു​ന്നു. ഈ ​റി​പ്പോ​ർ​ട്ട് പു​റ​ത്തു​വ​ന്ന് മൂ​ന്നു മാ​സ​ത്തി​നു​ശേ​ഷ​മാ​ണ് ഇ​ക്കാ​ര്യം മൈ​ക്രോ​സോ​ഫ്റ്റ് സ​മ്മ​തി​ച്ച​ത്.

ടെ​ക് ക​മ്പ​നി​ക​ൾ എ.​ഐ ഉ​ൽ​പ​ന്ന​ങ്ങ​ൾ ഇ​സ്രാ​യേ​ൽ, യു​ക്രെ​യ്ൻ, യു.​എ​സ് തു​ട​ങ്ങി​യ രാ​ജ്യ​ങ്ങ​ളു​ടെ സൈ​ന്യ​ത്തി​ന് വ​ലി​യ തോ​തി​ൽ വി​ൽ​ക്കു​ന്ന​താ​യാ​ണ് റി​പ്പോ​ർ​ട്ടു​ക​ൾ. നി​ര​പ​രാ​ധി​ക​ളാ​യ​വ​രെ ആ​ക്ര​മി​ക്കാ​ൻ എ.​ഐ സാ​​ങ്കേ​തി​ക വി​ദ്യ ദു​രു​പ​യോ​ഗം ചെ​യ്യു​​ന്ന​താ​യി മ​നു​ഷ്യാ​വ​കാ​ശ സം​ഘ​ട​ന​ക​ളും ആ​രോ​പി​ച്ചി​രു​ന്നു.