വെടിനിർത്തൽ ചർച്ച: അടുത്തയാഴ്ച പുനരാരംഭിക്കും

ഗസ്സ: ഗസ്സയിലെ വെടിനിർത്തൽ, ബന്ദിമോചന ചർച്ച അടുത്തയാഴ്ച പുനരാരംഭിച്ചേക്കുമെന്ന് റിപ്പോർട്ട്. ഇസ്രായേലിന്റെ ചാരസംഘടനയായ മൊസാദ് മേധാവി ഡേവിഡ് ബർണീ, യു.എസ് ചാരസംഘടനയായ സി.ഐ.എ മേധാവി വില്യം ബേൺസ്, ഖത്തർ പ്രധാനമന്ത്രി മുഹമ്മദ് ബിൻ അബ്ദുറഹ്മാൻ അൽഥാനി എന്നിവർ പാരിസിൽ നടത്തിയ കൂടിക്കാഴ്ചയിൽ ഇതുസംബന്ധിച്ച് ധാരണയായതായി ഇസ്രായേലി മാധ്യമമായ വല്ല ന്യൂസ് റിപ്പോർട്ട് ചെയ്തു.

നേരത്തേതുപോലെ ഖത്തറിന്റെയും ഈജിപ്തിന്റെയും മധ്യസ്ഥതയിൽ തന്നെയാണ് ചർച്ച നടത്തുക. അമേരിക്കയും നിർണായക പങ്കുവഹിക്കും. ഈ മാസം തുടക്കത്തിൽ നടത്തിയ ചർച്ച തീരുമാനമാകാതെ പിരിഞ്ഞിരുന്നു.