സുഡാൻ സംഘർഷം: അവസാനിപ്പിക്കാനുള്ള ശ്രമം വിജയത്തിലേക്കെന്ന് മധ്യസ്ഥർ

ദാ​ർ​ഫു​ർ: സു​ഡാ​നി​ൽ സൈ​ന്യ​വും അ​ർ​ധ​സൈ​നി​ക വി​ഭാ​ഗ​വും ത​മ്മി​ലു​ള്ള സം​ഘ​ർ​ഷം അ​വ​സാ​നി​പ്പി​ക്കാ​നു​ള്ള മ​ധ്യ​സ്ഥ ശ്ര​മ​ങ്ങ​ൾ വി​ജ​യ​ത്തി​ലേ​ക്കെ​ന്ന് റി​പ്പോ​ർ​ട്ട്. കി​ഴ​ക്ക​ൻ ആ​ഫ്രി​ക്ക​യി​ലെ എ​ട്ട് രാ​ഷ്ട്ര​ങ്ങ​ളു​ടെ കൂ​ട്ടാ​യ്മ​യാ​യ ഇ​ന്റ​ർ ഗ​വ​ൺ​മെ​ന്റ​ൽ അ​തോ​റി​റ്റി ഓ​ൺ ഡെ​വ​ല​പ്​​മെ​ന്റ് (ഇ​ഗാ​ദ്) ആ​ണ് മ​ധ്യ​സ്ഥ ശ്ര​മം ന​ട​ത്തു​ന്ന​ത്.

സൈ​ന്യ​ത്ത​ല​വ​ൻ അ​ബ്ദു​ൽ ഫ​ത്താ​ഹ് അ​ൽ ബു​ർ​ഹാ​നും അ​ർ​ധ​സൈ​നി​ക വി​ഭാ​ഗ​മാ​യ റാ​പ്പി​ഡ് സ​പ്പോ​ട്ടേ​ഴ്സ് ഗ്രൂ​പ് മേ​ധാ​വി മു​ഹ​മ്മ​ദ് ഹം​ദാ​ൻ ദ​ഗാ​ലോ​യും നേ​രി​ട്ടു​ള്ള ച​ർ​ച്ച​ക്ക് ത​യാ​റാ​യ​താ​യി ഇ​ഗാ​ദ് അ​ധി​കൃ​ത​ർ അ​റി​യി​ച്ചു. ഇ​രു​വ​രും ഫോ​ണി​ൽ സം​സാ​രി​ച്ച് വെ​ടി​നി​ർ​ത്ത​ലി​ന് ത​ത്ത്വ​ത്തി​ൽ ധാ​ര​ണ​യി​ലെ​ത്തി​യ​താ​യി ജി​ബൂ​തി പ്ര​സി​ഡ​ന്റി​ന്റെ ഉ​പ​ദേ​ഷ്ടാ​വ് അ​ലെ​ക്സി​സ് മു​ഹ​മ്മ​ദ് അ​റി​യി​ച്ചു.

നി​ല​വി​ൽ ജി​ബൂ​തി അ​ധ്യ​ക്ഷ​ത വ​ഹി​ക്കു​ന്ന കി​ഴ​ക്ക​ൻ ആ​ഫ്രി​ക്ക​ൻ രാ​ജ്യ​ങ്ങ​ളു​ടെ കൂ​ട്ടാ​യ്മ​യി​ൽ എ​റി​ത്രി​യ, ഇ​ത്യോ​പ്യ, കെ​നി​യ, സോ​മാ​ലി​യ, സൗ​ത്ത് സു​ഡാ​ൻ, സു​ഡാ​ൻ, യു​ഗാ​ണ്ട എ​ന്നീ രാ​ജ്യ​ങ്ങ​ളും അം​ഗ​ങ്ങ​ളാ​ണ്. എ​പ്പോ​ൾ, എ​വി​ടെ​യാ​ണ് ഇ​രു സൈ​നി​ക ത​ല​വ​ന്മാ​രും നേ​രി​ട്ട് ച​ർ​ച്ച ന​ട​ത്തു​ക​യെ​ന്ന​ത​ട​ക്കം കൂ​ടു​ത​ൽ കാ​ര്യ​ങ്ങ​ൾ വ്യ​ക്ത​മ​ല്ല. സൈ​ന്യ​വും ആ​ർ.​സി.​എ​ഫും റി​പ്പോ​ർ​ട്ടി​നോ​ട് പ്ര​തി​ക​രി​ച്ചി​ട്ടി​ല്ല.

മൂ​​ന്നു​പ​​തി​​റ്റാ​​ണ്ട് രാ​​ജ്യം ഭ​​രി​​ച്ച പ്ര​​സി​​ഡ​​ന്റ് ഉ​​മ​​ർ അ​​ൽ​​ബ​​ഷീ​​ർ 2019ൽ ​​സൈ​​നി​​ക അ​​ട്ടി​​മ​​റി​​യി​​ലൂ​​ടെ പു​​റ​​ത്താ​​യ​​തോ​​ടെ​​യാ​​ണ് സു​​ഡാ​​നി​​ലെ സ​​മീ​​പ​​കാ​​ല സം​​ഘ​​ർ​​ഷം ആ​​രം​​ഭി​​ക്കു​​ന്ന​​ത്. പാ​​രാ​​മി​​ലി​റ്റ​റി വി​​ഭാ​​ഗ​​ത്തി​​ന്റെ​​കൂ​​ടി നി​​യ​​ന്ത്ര​​ണം കൈ​​ക്ക​​ലാ​​ക്കാ​​നു​​ള്ള സൈ​​ന്യ​​ത്തി​​ന്റെ നീ​​ക്ക​​മാ​​ണ് ഇ​​പ്പോ​​ഴ​​ത്തെ സം​​ഘ​​ർ​​ഷ​​ത്തി​​ന് കാ​​ര​​ണം.