You are here

ദ​ക്ഷി​ണ സു​ഡാ​നി​ൽ സ്​ത്രീകൾ അരക്ഷിതർ

  • 12 ദി​വ​സ​ത്തി​നി​ടെ ആ​ക്ര​മി​ക്ക​പ്പെ​ട്ട​ത്​ 150 സ്​​ത്രീ​ക​ൾ 

  • കുറ്റക്കാർക്കെതിരെ നടപടി വേണമെന്ന്​ യു.എൻ

00:06 AM
05/12/2018
south-sudan-women

ജൂ​ബ: 12 ദി​വ​സ​ത്തി​നി​ടെ ദ​ക്ഷി​ണ സു​ഡാ​നി​ൽ ബ​ലാ​ത്സം​ഗ​ത്തി​നി​ര​യാ​യ​ത്​ 150 സ്​​ത്രീ​ക​ളെ​ന്ന്​ യു.​എ​ൻ റി​പ്പോ​ർ​ട്ട്. വ​ട​ക്ക​ൻ ന​ഗ​ര​മാ​യ ബെ​ൻ​ട്യൂ​വി​ൽ  സൈ​നി​ക​രാ​ണ്​ ​ആ​ക്ര​മ​ണം ന​ട​ത്തി​യ​തെ​ന്ന്​ യു​നി​സെ​ഫ്​ മേ​ധാ​വി ഹ​െൻറീ​ത്ത ​ഫോ​ർ, യു.​എ​ൻ ധ​ന​സ​ഹാ​യ മേ​ധാ​വി മാ​ർ​ക്​ ലോ​കോ​ക്ക്, യു.​എ​ൻ പോ​പു​ലേ​ഷ​ൻ ഫ​ണ്ട്​ മേ​ധാ​വി ന​താ​ലി​യ കാ​നം എ​ന്നി​വ​ർ പ​റ​ഞ്ഞു. ഹീ​ന​മാ​യ ആ​ക്ര​മ​ണ​ത്തി​ന്​ കാ​ര​ണ​ക്കാ​രാ​യ​വ​രെ ശി​ക്ഷി​ക്ക​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു. അ​ന്താ​രാ​ഷ്​​ട്ര സ​ഹാ​യ ഏ​ജ​ൻ​സി​ക​ളു​ടെ കീ​ഴി​ലു​ള്ള കേ​ന്ദ്ര​ങ്ങ​ളി​ൽ ഭ​ക്ഷ​ണം വാ​ങ്ങാ​ൻ പോ​ക​വെ 125 സ്​​ത്രീ​ക​​ളും പെ​ൺ​കു​ട്ടി​ക​ളും ബ​ലാ​ത്സം​ഗ​ത്തി​നി​ര​യാ​ക്ക​പ്പെ​ട്ട​താ​യി ഡോ​ക്​​ടേ​ഴ്​​സ്​ വി​ത്തൗ​ട്ട്​ ബോ​ർ​ഡേ​ഴ്​​സ്​ (എം.​എ​സ്.​എ​ഫ്) ക​ഴി​ഞ്ഞ​യാ​ഴ്​​ച വെ​ളി​പ്പെ​ടു​ത്തി​യി​രു​ന്നു. 

ആ​​ക്ര​മ​ണ​ത്തി​ൽ യു.​എ​ൻ സെ​ക്ര​ട്ട​റി ജ​ന​റ​ൽ അ​േ​ൻ​റാ​ണി​യോ ഗു​െ​ട്ട​റ​സ്​ അ​പ​ല​പി​ച്ചു. ആ​ക്ര​മ​ണ​ത്തി​നു​ പി​ന്നി​ൽ പ്ര​വ​ർ​ത്തി​ച്ച​വ​ർ​ക്ക്​ അ​ർ​ഹ​മാ​യ ശി​ക്ഷ ന​ൽ​കാ​നും ജ​ന​ങ്ങ​ളു​ടെ സു​ര​ക്ഷി​ത​ത്വം ഉ​റ​പ്പു​വ​രു​ത്താ​നും ദ​ക്ഷി​ണ സു​ഡാ​നി​ലെ രാ​ഷ്​​ട്രീ​യ  സം​ഘ​ട​ന​ക​ളും നേ​താ​ക്ക​ളും ഒ​ന്നി​ച്ചു​​നി​ൽ​ക്ക​ണ​മെ​ന്ന്​ അ​ദ്ദേ​ഹം ആ​വ​ശ്യ​പ്പെ​ട്ടു. 

2013ലാ​ണ്​ ദ​ക്ഷി​ണ സു​ഡാ​നി​ൽ ആ​ഭ്യ​ന്ത​ര​ക​ല​ഹം തു​ട​ങ്ങി​യ​ത്. അ​ന്നു തൊ​ട്ടി​ന്നോ​ളം യു​ദ്ധ​ത്തി​​െൻറ കെ​ടു​തി​ക​ൾ കൂ​ടു​ത​ൽ അ​നു​ഭ​വി​ക്കു​ന്ന​ത്​ സ്​​ത്രീ​ക​ളാ​ണ്. 2018​െൻ​റ ആ​ദ്യ പ​കു​തി​യി​ൽ റി​പ്പോ​ർ​ട്ട്​ ചെ​യ്യ​പ്പെ​ട്ട 2300 കേ​സു​ക​ളി​ൽ ഭൂ​രി​ഭാ​ഗ​വും സ്​​ത്രീ​ക​ൾ​ക്കെ​തി​രാ​യ കു​റ്റ​കൃ​ത്യ​ങ്ങ​ളാ​യി​രു​ന്നു. അ​തി​ൽ ത​ന്നെ 20 ശ​ത​മാ​നം അ​ക്ര​മ​ങ്ങ​ളി​ൽ ഇ​ര​ക​ളാ​യ​ത്​ കു​ട്ടി​ക​ളാ​യി​രു​ന്നു​വെ​ന്നും യു.​എ​ൻ ഏ​ജ​ൻ​സി​ക​ൾ ചൂ​ണ്ടി​ക്കാ​ട്ടി. 

ഇ​ര​ക​ളെ ച​മ്മ​ട്ടി​കൊ​ണ്ടും ഇ​രു​മ്പു​ദ​ണ്ഡു​കൊ​ണ്ടും മ​ർ​ദി​ച്ച​വ​ശ​രാ​ക്കി​യും വ​സ്​​ത്ര​ങ്ങ​ളും ഷൂ​വും പ​ണ​വും റേ​ഷ​ൻ കാ​ർ​ഡു​ക​ളും അ​പ​ഹ​രി​ച്ചു​മാ​ണ്​ ക​ഷ്​​ട​പ്പെ​ടു​ത്തു​ന്ന​ത്​. ഇൗ ​മാ​സം 18ന്​ ​ദ​ക്ഷി​ണ സു​ഡാ​നി​ലെ ദു​രി​തം ച​ർ​ച്ച​ചെ​യ്യാ​ൻ യു.​എ​ൻ ര​ക്ഷാ​സ​മി​തി അ​ടി​യ​ന്ത​ര യോ​ഗം വി​ളി​ച്ചി​ട്ടു​ണ്ട്.

Loading...
COMMENTS