റു​വാ​ണ്ട​ൻ വം​ശ​ഹ​ത്യ​ക്ക്​ കാ​ൽ​നൂ​റ്റാ​ണ്ട്​; വേട്ടക്കാർക്ക്​ മാ​പ്പു​നൽകി ഇ​ര​ക​ൾ

കിഗാലി: ലോ​കം ക​ണ്ട വ​ലി​യ ന​ര​ഹ​ത്യ​ക​ളി​ലൊ​ന്നാ​യ റു​വാ​ണ്ട​ൻ വം​ശ​ഹ​ത്യ​ക്ക്​ 25 വ​ർ​ഷം തി​ക​ഞ്ഞു. 1994 ഏ​പ് രി​ലി​ലാ​ണ് വം​ശ​ഹ​ത്യ അ​ര​ങ്ങേ​റി​യ​ത്. റു​വാ​ണ്ട​യി​ലെ ഭൂ​രി​പ​ക്ഷ​മാ​യ ഹു​ടു വം​ശ​ജ​രും ന്യൂ​ന​പ​ക്ഷ​ മാ​യ ടു​ട്‌​സി​ക​ളും ത​മ്മി​ല്‍ കാ​ല​ങ്ങ​ളാ​യി ന​ട​ക്കു​ന്ന സം​ഘ​ര്‍ഷ​മാ​ണ് ക്രൂ​ര​മാ​യ കൂ​ട്ട​ക്കൊ​ല​യി​ലേ​ക്ക്​ ന​യി​ച്ച​ത്. രാ​ജ്യ​ത്തി​​െൻറ ഭ​ര​ണം നൂ​റ്റാ​ണ്ടു​ക​ളോ​ളം കൊ​ണ്ടു​ന​ട​ന്ന ടു​ട്‌​സി​ക​ളെ പു​റ​ത്താ​ക്കി 1962ല്‍ ​ഹു​ടു​ക​ള്‍ അ​ധി​കാ​ര​മേ​റ്റെ​ടു​ത്തു. അ​ധി​കാ​രം തി​രി​ച്ചു​പി​ടി​ക്കാ​ന്‍ 1990ക​ളി​ല്‍ ടു​ട്‌​സി​ക​ള്‍ ന​ട​ത്തി​യ ശ്ര​മ​മാ​ണ് ക​ലാ​പ​ത്തി​ലേ​ക്കു ന​യി​ച്ച​ത്.

ഹു​ടു വം​ശ​ജ​നാ​യ റു​വാ​ണ്ട​ന്‍ പ്ര​സി​ഡ​ൻ​റ്​ യു​വെ​ന​ല്‍ ഹാ​ബ്യാ​രി​മാ​ന കൊ​ല ചെ​യ്യ​പ്പെ​ട്ട​തോ​ടെ ക​ലാ​പം ആ​ളി​പ്പ​ട​രു​ക​യാ​യി​രു​ന്നു. തു​ട​ര്‍ന്ന് ഹു​ടു വം​ശ​ജ​ര്‍ ടു​ട്‌​സി​ക​ളെ കൂ​ട്ട​ക്കൊ​ല ചെ​യ്തു. നൂ​റു ദി​വ​സം നീ​ണ്ട കൂ​ട്ട​ക്കു​രു​തി​യി​ല്‍ എ​ട്ട്​ ല​ക്ഷ​ത്തോ​ളം പേ​ര്‍ക്കാ​ണ് ‌ജീ​വ​ന്‍ ന​ഷ്​​ട​പ്പെ​ട്ട​ത്. കു​റ്റ​കൃ​ത്യം ന​ട​ത്തി​യ​വ​ർ ഇ​ര​ക​ളു​ടെ ബ​ന്ധു​ക്ക​ളോ​ട്​ പ​ര​സ്യ​മാ​യി മാ​പ്പ​പേ​ക്ഷി​ച്ചി​രു​ന്നു.

അ​വ​ർ​ക്ക്​ മാ​പ്പു ല​ഭി​ക്കു​ക​യും ചെ​യ്​​തു. വം​ശ​ഹ​ത്യ​യു​ടെ ആ​സൂ​ത്ര​ക​രും ഇ​ര​ക​ളു​മ​ട​ങ്ങി​യ മു​വാ​യി​ര​ത്തോ​ളം കു​ടും​ബ​ങ്ങ​ൾ ഒ​രു ഗ്രാ​മ​ത്തി​ലാ​ണ്​ താ​മ​സി​ച്ചി​രു​ന്ന​ത്. റു​വാ​ണ്ട​യു​ടെ മു​റി​വു​ണ​ക്കാ​ൻ ലോ​ക​ത്തി​​െൻറ നാ​നാ​ഭാ​ഗ​ത്തു​നി​ന്നും സം​ഭാ​വ​ന​ക​ൾ ഒ​ഴു​കി​യെ​ത്തി.