നൈജറിൽ ഭീകരാക്രമണം: മരിച്ച സൈനികരുടെ എണ്ണം 71ആയി

നിയാമി (നൈജർ): നൈജറിൽ മാലി അതിർത്തിയിലെ തില്ലാബേരിക്കടുത്ത​ സൈനിക താവളത്തിനുനേരെയുണ്ടായ തീവ്രവാദി ആക്രമണത്തിൽ മരിച്ചവരുടെ എണ്ണം 71 ആയി. 12 സൈനികർക്ക്​ പരിക്കേറ്റിട്ടുണ്ട്.

ക്യാമ്പ്​ ലക്ഷ്യമിട്ട്​ ഭീകരർ ഷെല്ലാക്രമണം നടത്തുകയായിരുന്നു. ആക്രമണത്തിന്‍റെ ഉത്തരവാദിത്തം ആരും ഏറ്റെടുത്തിട്ടില്ല. അൽഖാഇദയുമായും ഐ.എസുമായും ബന്ധമുള്ള ഭീകരസംഘടനകളുടെ ശക്​തികേന്ദ്രമാണിത്​.

ഇതേ സൈനിക താവളത്തിന് സമീപം 2017ൽ നാലു അമേരിക്കൻ സൈനികരും അഞ്ച് നൈജീരിയൻ സൈനികരും ഭീകരാക്രമണത്തിൽ കൊല്ലപ്പെട്ടിരുന്നു.