പുതിയ രാഷ്​ട്രമാകാൻ ബൂഗെൻവിൽ

ഹിതപരിശോധന അനുകൂലം

പാപ്വന്യൂഗിനിയിൽനിന്ന്​ സ്വാതന്ത്ര്യം നേടി സ്വതന്ത്രരാജ്യമാകാനുള്ള ബൂഗെൻവിൽ ജനതയുടെ 20 കൊല്ലമായുള്ള സ്വപ്​നം സാക്ഷാത്​കാരത്തിലേക്ക്​​. സ്വതന്ത്രരാജ്യമാകാൻ നടത്തിയ ഹിതപരിശോധനയിൽ 98 ശതമാനവും അനുകൂലമായി വോട്ട്​ ചെയ്​തു. ​നവംബർ 23ന്​ തുടങ്ങിയ വോ​ട്ടെടുപ്പ്​ ഡിസംബർ ഏഴിനാണ്​ അവസാനിച്ചത്​. ഫലം പാപ്വന്യൂഗിനി സർക്കാർ അംഗീകരിച്ചാൽ ബൂഗെൻവിൽ ലോകത്തെ ഏറ്റവും പുതിയ രാജ്യമായി മാറും.

ആകെ ജനസംഖ്യ-2,49,358 (രണ്ട​​ുലക്ഷത്തോളം പേർക്കാണ്​ വോട്ടവകാശം)
അനുകൂലിച്ചത്​ 1,76,928 പേർ
എതിർത്തത്​ 3,043 പേർ

ബൂഗെൻവിൽ
ഫ്രഞ്ച്​ സഞ്ചാരിയായ ലൂയിസ്​ ആൻറണി ഡി ബൂഗെ​ൻവിൽ ആണ്​ ദ്വീപിന്​ പേരിട്ടത്​. 19ാം നൂറ്റാണ്ടിൽ ജർമനിയുടെ കോളനിയായിരുന്നു. രണ്ടാംലോകയുദ്ധകാലത്ത്​ ജപ്പാൻ സൈനിക താവളമായും ഉപയോഗിച്ചു. പിന്നീട്​ ആസ്​ട്രേലിയക്കായി ആധിപത്യം. 1975 വരെ അതു തുടർന്നു. 1975ൽ പാപ്വന്യൂഗിനിക്ക്​ സ്വാതന്ത്ര്യം ലഭിച്ചപ്പോൾ ബൂഗെ​ൻവിൽ അവരുടെ കോളനിയായി.

തലസ്ഥാനം: ബുക. ഭാവി തലസ്ഥാനം
അരവ. വിസ്​തൃതി: 9,384ച.കി.മീ

പ്രാദേശിക ഭാഷകൾ: ടോക്​ പിസിൻ, പാപ്വന്യൂഗിനിയൻ, പിഡ്​ഗിൻ ഇംഗ്ലീഷ്​. കൂടാതെ 19 തദ്ദേശീയമായ ഭാഷകളും​.

സ്വാതന്ത്ര്യപ്പോരാട്ടം:

പാപ്വന്യൂഗിനി സ്വതന്ത്രമാവുന്നതി​നു മു​േമ്പ നോർത്ത്​ സോളമൻസ്​ എന്ന പേരിൽ ബൂഗെ​ൻവിൽ ജനത ആവശ്യമുന്നയിരിച്ചിരുന്നു. ആസ്​ട്രേലിയയും പാപ്വന്യൂഗിനിയും ആവശ്യം തള്ളി. പിന്നീട്​ പാപ്വന്യൂഗിനി സ്വതന്ത്രമായതോടെ ആവശ്യം വീണ്ടും ശക്തമായി. 1989ൽ സ്വതന്ത്രരാജ്യത്തിനായി ബൂഗെൻവിൽ വിമതരും പാപ്വന്യൂഗിനി സൈന്യവും തമ്മിൽ തുടങ്ങിയ ആഭ്യന്തരയുദ്ധം 1998ലാണ്​ അവസാനിച്ചത്​.

ആഭ്യന്തരയുദ്ധത്തിൽ 20,000പേർ കൊല്ലപ്പെട്ടു. രണ്ടാം ലോകയുദ്ധത്തിനു ശേഷം ശാന്തസമുദ്രത്തിലെ ദ്വീപരാഷ്​ട്രങ്ങൾക്കിടയിലുണ്ടായ ഏറ്റവും വലിയ കലാപമായിരുന്നു ഇത്​. 1997ൽയുദ്ധം അവസാനിച്ചു. 2005ൽ സ്വയംഭരണ ബൂഗെൻവിൽ സർക്കാർ നിലവിൽ വന്നു. സ്വാതന്ത്ര്യത്തിനായി ഹിതപരിശോധന നടത്തുമെന്ന്​ സർക്കാർ ജനങ്ങൾക്ക്​ നൽകിയ വാഗ്​ദാനമാണ്​ പാലിച്ചത്​.

അക്ഷയഖനി:

ചെമ്പി​​െൻറയും സ്വർണത്തി​​െൻറയും വൻ ശേഖരമുണ്ട്​. 1969ൽ ബൂഗെൻവിൽ കോപ്പർ ലിമിറ്റഡ്​ കൂറ്റൻ ചെമ്പ്​ ഖനി തുറന്നു. റിയോ ടി​േൻറാ എന്ന ഭീമൻ കമ്പനിയുടെ സഹസ്ഥാപനമാണിത്​. 1989ലെ ആഭ്യന്തരയുദ്ധത്തെ തുടർന്ന്​ ഖനിയിൽനിന്ന്​ ലഭിച്ചിരുന്ന ലാഭവിഹിതം റിയോ ടി​േൻറാക്ക്​ ഉപേക്ഷിക്കേണ്ടിവന്നു. ആഗോളതലത്തിൽ ചെമ്പ്​ ഉൽപാദനത്തി​​െൻറ കയറ്റുമതി ഇനത്തിൽ നല്ലൊരു പങ്ക്​ അപ്പോഴേക്കും കൈപ്പറ്റിയിരുന്നു ഈ കമ്പനി.

ആകെ രാജ്യങ്ങൾ:

ലോകത്ത്​ 195രാജ്യങ്ങൾ നിലവിലുണ്ട്​. ഇതിൽ 193 എണ്ണത്തിനാണ്​ യു.എൻ അംഗീകാരമുള്ളത്​. ഫലസ്​തീനും ഹോളി സീയുമാണ്​ യു.എൻ നിരീക്ഷണ രാജ്യങ്ങൾ. അവസാനമായി യു.എൻ അംഗത്വം ലഭിച്ചത്​ ദക്ഷിണ സുഡാൻ ആണ്. 193ാമത്​ രാജ്യമായാണ്​ ദക്ഷിണ സുഡാൻ യു.എൻ അംഗത്വം എടുത്തത്​.